1Kemuni na Kalou,
Era sa curuma mai na nomuni vanua o ira na kai tani;
Era sa vakadukadukalitaka na nomuni vale tabu
Ka laivi Jerusalemi me rusa tu.
2Era sa laiva tu na yagodra na nomuni tamata
me ra kania na manumanu vuka,
Kei na yagodra na nomuni yalododonu ki na manumanu kila.
3Era sa vakadavea na nodra dra na nomuni tamata
Me vaka na wai wavokiti Jerusalemi,
Ka sa sega ni dua me buluta na yagodra na mate.
4O ira na matanitu wavoliti keimami era sa vakalialiai keimami,
Era sa dredrevaki keimami ka vakalialiai keimami.
5I Jiova, o ni na cudruvi keimami tikoga li ka sega ni mudu?
Ena waqa tiko li na nomuni cudru me vaka na bukawaqa?
6Ni sovaraka na nomuni cudru ena veivanua sa sega ni kilai kemuni,
Kivei ira sa sega ni dau masu vei kemuni.
7Era sa vakamatei ira na nomuni tamata
Ka vakarusa na neimami vanua.
8Ni kakua ni cudruvi keimami
ena vuku ni nodra i valavala ca na neimami qase;
Ia, ni lomani keimami mai oqo;
Sa oti kece sara na neimami i nuinui.
9Ni vukei keimami na Kalou na neimami vakabula
me baleta na dokai ni yacamuni;
Ni vakabulai keimami ka vosoti keimami,
Me ra na vakacaucautaki kemuni kina na tamata.
10Na cava me ra tarogi keimami kina na veimatanitu ka kaya,
“E vei na nomuni Kalou?”
Me keimami raica mada ni o ni sa totogitaki ira na veimatanitu
Me baleta na nodra vakadavea na nodra dra na nomuni dauveiqaravi.
11Ni rogoca mada na nodra vutugu na tamata era sa vesu tu,
Ka sereki ira sa lesi me ra vakamatei mai na nomuni kaukauwa levu.
12Turaga, ni sauma lesu vakavitu vei ira na veimatanitu,
Ena vuku ni vosa ni veivakacacani era sa tauca vei kemuni.
13Ia, oi keimami na nomuni tamata, na sipi ni nomuni vanua,
Keimami na vakavinavinakataki kemuni ga ka sega ni mudu,
Ka vakacaucautaki kemuni ena veigauna kecega.
A Masu me Vakacokonakitaki Tale na MatanituVua na i liuliu ni sere. Me vaka na i lagalaga ni “Na Viavia ni Veiyalayalati.” A nei Esava. A Same.
Who We AreWhat We EelieveWhat We Do
2025 by iamachristian.org,Inc All rights reserved.
