1Na yalomatua, e na vakacaucautaki koya ga, e na reki e na kedra maliwa na nona matatamata.
2E na dolava na gusuna e na reki e na matabose nei koya na Cecere Sara; vei koya e ciqomi koya, e na vosa e na veivakalagilagi:
3“Au basika mai e gusuna na Cecere Sara, meu tabonaki vuravura vaka na kabu.
4
19“Ni toso mai vei yau o kemuni oni gadrevi yau, moni kania na vuaqu moni mamau.
20Oni na qai kila niu kamikamica cake mai na denioni, mai na burenioni.
21O ira era kani yau era na via kani yau tiko ga, o ira era gunuvi yau era na via gunuvi yau tiko ga.
22O ira era vakarorogo vei yau, era na sega ni vakamaduataki; o ira era na cakacaka e na noqu veivuke, era na sega ni valavalaca.”
Yalomatua kei na lawa23Na veika qo na ivola ni Veiyalayalati ni Kalou Cecere Sara, na lawa a vakarota vei keda o Mosese, na nodra ivotavota na mataivavakoso nei Jekope.
24 Kua nio guce e nomu guta na Turaga, kabiti koya me na vakaukauataki iko; na Turaga duadua ga e Kalou, sega tale ni dua me ivakabula.
25E vuabale e na yalomatua, me vaka na uciwai na Pisoni, me vaka na Taikirisi e na vulaivuata;
26e sinai e na vuku vaka na Iuferetisi kei na Joritani e na vulaimatua.
27E taliva na kilaka vaka na rarama, vaka na Qihoni e na vula sautu.
28Me vaka ga nona sega ni kila vinaka na yalomatua na imatai ni tagane, e na sega tale ga ni kilai koya rawa na kena iotioti,
29ni sa rui rabailevu cake nona vakasama mai na wasawasa, titobu cake na nona ivakasala mai na qara sega na botona.
30Au lako yani vaka na ikeliwai mai na uciwai, meu drodro yani vaka na salasala ni wai i na iteitei.
31Au kaya, “Au na suia noqu loganivaini, au na vakasuasua noqu iteitei”;
raica, sa vuki noqu ikeli ni wai me uciwai, na uciwai me wasawasa.
32Au na cakava tale me cila mai na vuku me vaka na kida ni mataka, au na qai cakava me cila vakayawa;
33au na baci veivakavulici me vaka na parofita, qai tataunaka tu vei ira na veitabatamata mai muri.
34Raica niu sega ni cakacaka duadua e na vukuqu, me baleti ira kece ga era qara na vuku.
Who We AreWhat We EelieveWhat We Do
2025 by iamachristian.org,Inc All rights reserved.
