1 Korinica Na i Vakamacala Taumada - Vakavakadewa Vou kei na iVola tale eso（FNVDC12）

Na i Vakamacala Taumada Na i Matai ni Vola i Paula vei ira mai Korinica sa volai me baleta na leqa ni bula kei na vakabauta Vakarisito sa yaco ena i soqosoqo lotu ka tauyavutaka o Paula mai Korinica. Ena gauna o ya, a sa dua na koro vakaitamera ena vanua vaka-Kirisi o Korinica, ka kena koro turaga na yasana vaka-Roma o Akaia. Sa levu sara na veimatatamata era tiko kina, ka sa kilai levu o Korinica ni vanua e toso vakavinaka sara kina na veivoli, e kilai ena kena i tovo vakasakiti eso, ka tubu cake vakalevu talega kina na i tovo ca kei na veimataqali lotu.Na ka e goleva vakabibi na i apositolo sai koya na leqa ni nodra veisei, na i tovo ca ena loma ni lotu vata kei na veika me baleta na tagane kei na yalewa, na vakawati, na lewa-e-loma, na i vakarau ni lotu, na i solisoli ni Yalo Tabu, vata kei na tucake tale mai na mate. Sa titobu talega na i tovo ni nona vakaraitaka na sala sa vosa kina na i Tukutuku Vinaka ena veika o ya.Na wase 13 e dusia na i solisoli uasivi duadua ni Kalou vei ira na nona tamata sai koya na loloma, ka sai koya talega na wase ni vola kilai levu duadua ena i vola oqo.Na Lewe ni VolaNa i vakamacala taumada 1.1-9

Na tatawasewase ena loma ni lotu 1.10–4.21

Na veidauci kei na bula vakavuvale 5.1–7.40

Na lotu Vakarisito kei ira na tawalotu 8.1–11.1

Na bula ni lotu kei na sokalou 11.2–14.40

Na tucake tale i Jisu kei ira era sa vakabauta 15.1-58

Na i solisoli vei ira na lotu Vakarisito mai Jutia 16.1-4

Na veika tale eso kei na kena i tinitini 16.5-24