1E a yaco e dua na dausiga levu ena gauna ni veiliutaki vakatui i Tevita, ka tolu na yabaki veitaravi na kena dede. A sa masuti Jiova kina o koya. A qai kaya vua o Jiova, “E a cala ena laba o Saula kei ira na nona matavuvale, ena nodra a vakamatei ira na kai Kipioni.”
2A kacivi ira na kai Kipioni na tui ka vosa vei ira. (Era sa sega ni kawa vaka-Isireli na kai Kipioni; ia oqo o ira na vo-ni-bula ni Amoraiti. E dina ga era a bubuluitaka na Isireli me ra vakabulai ira, ia sa saga o Saula me mokuti ira ena dela ni nona lomakatakata ena vukudra na Isireli kei ira na Juta.)
18Ni oti na ka oqo, a dua tale na i valu kei ira na kai Filisitia mai Kopo; a vakamatei Safi, e dua vei ira na kawa ni tamata qarikau levu o Sipikali na luve i Usa.
19A dua tale na i valu kei ira na kai Filisitia mai Kopo, ia o Elanani na luve i Jereoritiki na kai Peceliema, a qai vakamatea na taci Koliaci na kai Kaca; na dia ni nona moto sa vaka na nodra kau balavu na dautalitali.
20A dua tale na i valu mai Kaca, na vanua a tiko kina e dua na kawa ni tamata qarikau levu, ka tau ya ono na i qaqalo ni ligana ruarua, ka tau ya ono na i qaqalo ni yavana ruarua, a ruasagavulu ka va taucoko ni wili vata.
21Ia ni bolei ira na kai Isireli o koya, sa qai vakamatei koya o Jonacani na luve i Semeai na tuakai Tevita.
22O iratou na lewe va oqo, e ratou kawa ni tamata qarikau lelevu mai Kaca, ka ratou a vakamatei ena liga i Tevita kei na ligadra na nona tamata.
Who We AreWhat We EelieveWhat We Do
2025 by iamachristian.org,Inc All rights reserved.
