1 Tiko 5.12-15 Kua ni vuvutaka na watimu lomani, kua ni vakavulici koya e na ca deo qai leqa kina.
2Kua ni soli iko vua e dua na yalewa, e na qai lewai iko tale kina.
3Kua ni lakova na yalewa ca deo coko e na nona dai.
4Kua ni lala vata kei na yalewa daulagasere de rawai iko na nona vere.
5Kua ni wadrava na daulato deo tarabe drau qai totogi ruarua kina.
6Kua ni soli iko vei ira na saqamua de yali kece nomu iyau.
7Kua ni veiraiyaki e gaunisala e na taoni; kua na lakova na veisaqata lala.
8Vuki tani vua na marama musudonu, kua ni wadrava na totoka ni watina e dua tale;
ra lewe levu e vakasesei ira na irairai ni yalewa, ni vakatubu gagano me vaka e kama na veigasau.
9Kua ni kana vata kei na wati ni tani, se modrau gunu waini,
deo sikalutu vua mani leqa sara e na kaukaua ni dodomo.
Veitokani10Kua ni biuta laivi nomu itokani makawa; na itokani vou e na sega ni tautauvata.
Na itokani vou e vaka na waini vou; ni sa matua, e gunu vinaka.
11Kua ni vuvutaka na rogo ni dauvalavalaca, nio sega ni kila na nona itinitini.
12Kua ni marautaka na ka era taleitaka na tabulotu; nanuma ni na sega ni guilecavi nodra cala e na nodra bula taucoko.
13Vakayawaka e dua e rawa ni veivakamatei, o na sega kina ni lomaleqataka na mate.
Keo torovi koya, kua ni vuki cala de na vakamatei iko. Mo kila nio lakova tiko na vanua e levu kina na dai, o yabe tiko e dela ni bainivalu.
14Saga matua mo kilai ira vinaka nomu lewe ni itikotiko, kere ivakasala vei ira na vuku.
15Veivosaki ga kei ira na kilaka, veivosakitaka ga na lawa i koya sa Cecere Sara.
16Mera nomu itokani ni kana na yalododonu; mo rogo e na nomu doka na Turaga.
Veiliutaki17Na cakacaka ni liga e qoroi kina na liga maqosa; na iliuliu yalomatua e kilai vakina e na nona vosa.
18Na dau vakauvosa e rerevaki e na nona koro; na dau vosa vakalialia e sevaki.
Who We AreWhat We EelieveWhat We Do
2025 by iamachristian.org,Inc All rights reserved.
