Jope 28 - Vakavakadewa Vou kei na iVola tale eso（FNVDC12）

Sa Vakacaucautaki na Vuku

1Era tu na qara vatu me keli kina na siliva,

Ka ra tu na vanua ni vakasavasavataki koula.

2Era kelia na tamata na kaukamea mai na loma ni qele,

Ka ra vakawaicalataka na vatu me rawa kina na kopa.

3Era vakasaqaqara na tamata ena vanua butobuto sara,

Era vakasaqaqara ena boto ni vuravura,

Ka vakelia mai na veivatu ena vanua butobuto.

4Era kelia na tamata na qara ni vatu talei,

Ena vanua yawa sara mai na vanua tikori,

Se sa bau butuka na yava ni tamata.

Era la'ki cakacaka tu e kea ka ra galili,

Ka kube dali voli e loma ni qara.

5E tubu cake na kakana mai na qele,

Ia ena loma ni qele vata ga oqori

Sa kabasu ka vurumemea kina na ka kecega.

6Na veivatu e loma ni vuravura e tu kina na safaia,

Ka tu na koula ena kuvu ni qele.

7E sega na manulevu e sa bau raica na sala ki na qara,

Ka sega na ikeli e sa bau vuka-baleta.

8E sega na laione se na manumanu rerevaki tale eso

Me bau lakova na veigaunisala lala oqo.

9Era sa kelia na tamata na veivatu kaukauwa sara,

Ka cavuraka na yavu ni veiulunivanua.

10Ni ra sa kelikeli e loma ni veivatu,

Era sa kunea na veivatu talei.

11Era kelikeli yani ki na i vurevure ni veiuciwai

Ka ra kauta mai ki na rarama na veika vuni.

12 Sr 1.6; Br 3.15 Ia e tiko beka e vei na i takataka ni vuku?

E vei na vanua e rawa ni da vuli kina me da kila?

13 Br 3.29-31 E sega ni kune rawa vei ira na tamata vuku;

E sega sara ni dua e kila dina na kena talei

14E rau kaya mai na wasa liwa titobu kei na wasawasa

Ni sega ni kunei mai kina na vuku.

15E sega ni voli rawa na vuku ena koula se na siliva.

16Na koula dina duadua kei na i ukuuku vatu talei

E rau sega ni yacova na i sau me voli kina na vuku.

17E talei cake na vuku mai na koula

Ka talei cake mai na i tutu ni senikau koula kei na iloilo.

18E talei cake sara na vuku mai na lase damudamu,

Se na karisitala, se na rupi.

19E ka wale sara na talei ni topasa ni Eciopea ka,

Ka wale na koula dina mai na talei ni vuku.

20E taka beka mai vei na vuku?

E vei beka e rawa ni da vuli kina me da yalomatua?

21E sega na ka buli ka cegu me bau raica rawa na vuku,

Ka sega talega na manumanu vuka e bau raica rawa.

22O Mate talega kei Rusa e rau vakadinadinataka

Ni rau sa rogoca wale tu ga na kena i rogorogo.

23 Br 3.35-37 Na Kalou duadua ga sa kila na kena gaunisala,

Kei na vanua sa tiko kina na vuku.

24Baleta ni o koya ga e raica rawa na i yalayala ni vuravura,

Ka raica na veika kecega ena ruku i lomalagi.

25Ni sa solia na Kalou vua na cagi na nona kaukauwa

Ena gauna e a solia kina na Kalou ki na cagi na kaukauwa,

Ka sa vakarautaka na levu ni wasawasa;

26Ena gauna sa lewa kina o koya na vanua me tauca na uca

Kei na sala me muria na o loaloa ni kurukuru,

27 Sr 1.9,19 sai koya ga oqori na gauna sa kunea kina na vuku

Ka vakatovolea na kena talei,

Sa vakadeitaka sara ka solia kina na nona veivakadonui.

28 Same 111.10; Vbale 1.7; 9.10 A qai kaya na Kalou vei ira na tamata,

Mo ni rerevaka na Kalou kevaka o ni vinakata na yalomatua.

Mo ni gole tani mai na ca kevaka o ni vinakata na kila-ka.