Sakaraia 12 - Vakavakadewa Vou kei na iVola tale eso（FNVDC12）

Na Qaqa i Jerusalemi

1Oqo na i tukutuku me baleti Isireli mai vei Jiova, o koya ka a tevuka yani na lomalagi, a tauyavutaki vuravura, ka a solia na bula ki vua na tamata. A sa kaya o koya,

2“Au na vakayacori Jerusalemi me vaka e dua na bilo waini, era na gunu na veimatanitu era tu wavokita ka ra na taceba me vaka na mateni. Me qai gauna sa buku kina na druadrua kei Jerusalemi, ena buku talega na druadrua vei ira na vo ni veikoro lelevu e Juta.

3Ia ni sa yaco mai na gauna o ya, au na qai vakayacori Jerusalemi me vaka e dua na vatu bibi — na matanitu ga e via tovolea me laveta ena mavoa vakaca sara. Era na qai to na veimatanitu kecega e vuravura ka valuti koya.

4Ena gauna o ya, au na vakarerea kecega na nodra ose ka vakayacora me ra lialia na nodra dauvodo ose. Au na vakatawai ira na Juta, ka'u na vakayacora me ra mataboko na nodra ose na kedra meca.

5Era na qai kaya vakai ira na lewe ni yavusa o Juta, ‘Sa solia na kaukauwa o Jiova ni lewevuqa vei ira na nona tamata era tiko mai Jerusalemi.’

6“Ena gauna o ya, au na vakayacori ira na Juta me ra vaka e dua na kama ena loma ni veikau se loga ni sila sa matua — era na vakarusai ira na veimatanitu kece sara sa vakavolivolita. Era na tiko vinaka ga ena loma ni koro na kai Jerusalemi.

7“Oi au, o Jiova, ka'u na solia taumada na qaqa vei ira na veimataivalu i Juta, oqo me kakua kina ni vakacerecerei cake mai vei Juta na lagilagi ni vuvale i Tevita kei ira era sa vakaitikotiko mai Jerusalemi.

8Ena gauna o ya, ena taqomaki ira na lewe i Jerusalemi o Jiova, ka ra na vakaukauwataki na nodra tamata malumalumu duadua me vaka na kaukauwa i Tevita. Era na qai liutaki ira na tamata o ira na kawa i Tevita me vaka na agilosi i Jiova, me vakataka ga na Kalou.

9Ena gauna oqori au na vakarusa kina na matanitu yadudua era na tovolea me ra valuti Jerusalemi.

10 ena buca mai Mekitou.

12Ena vanua taucoko sara, ena dui vakaloloku vaka i koya ga na vuvale yadua: Era na vakaloloku vakai ira ga na tagane ni vuvale yadua: Era na vakaloloku vakai ira ga na tagane ni vuvale era kawa Tevita, ka ra ia vakai ira ga na watidra; ka ra vakaloloku vakai ira ga;

13na vuvale era kawa i Livai, kei ira na watidra; na vuvale era kawa Simeai, kei na watidra;

14ka ra na vakaloloku na veivuvale kecega, na vuvale yadua vakai koya ga, ka ra vakaloloku vakai ira ga o ira na watidra.”