Same 67 - Vakavakadewa Vou kei na iVola tale eso（FNVDC12）

1Kemuni na Kalou,

Ni lomani keimami ka vakalougatataki keimami,

Ni raici keimami mai ena yalololoma;

2Me kila kina o vuravura taucoko na lomamuni;

Me ra kila kina na veimatanitu na nomuni veivakabulai.

3Kemuni na Kalou, me ra vakacaucautaki kemuni na tamata;

Me ra vakacaucautaki kemuni na lewe ni veivanua kecega.

4Me ra masu na veimatanitu ka sere ena reki,

Baleta ni o ni sa lewai ira na tamata ena lewa dodonu

Ka tubera tiko na veimatanitu kecega.

5Me ra vakacaucautaki kemuni na Kalou na tamata

Me ra vakacaucautaki kemuni na tamata kecega.

6Sa vuataka na qele na vuana;

Sa vakalougatataki keda na Kalou, o koya na noda Kalou.

7Sa vakalougatataki keda na Kalou,

Me ra rokovi koya na tamata mai na veivanua kecega.

A Sere ni Cibi

Vua na i liuliu ni sere. A nei Tevita. A Same. A Sere.