Vakarua 25 - Vakavakadewa Vou kei na iVola tale eso（FNVDC12）

1Kevaka e rua na tamata e rau veileti ka kauta sara ki na mataveilewai me vakatulewa na turaganilewa ena vukudrau, ia sa qai kune ni dua vei rau e dodonu, ka dua e cala.

2Kevaka sa totogi o koya sa cala vei rau me kanakuita; me qai vakadavori koya vakatoboicu o turaganilewa ka laiva me vakanakuitataki e matana. Me na vakatau na levu ni kena kuita ena cala a cakava.

3Sa rawa me tau vakavasagavulu na kena kuita, ia me kakua ga ni sivia, kevaka e sivia ena mata madua kina o koya ena mata ni lewe vuqa.

4Kakua ni vesuka na gusu ni bulumakau ni butu sila tiko.Baleta na i Tavi ni Tagane Vua na Tacina sa Mate

5Kevaka e rau tiko voli e rua na veitacini tagane ena dua vata na vanua, a qai mani mate e dua vei rau ka sega ni dua na luvena tagane. Me kakua ni vakawati na wati koya sa mate kei na dua na tagane tani. Sa nona i tavi na taci watina me tauri koya tale me watina.Maciu 22.24; Mari 12.19; Luke 20.28

6Na i matai ni luvedrau tagane ena wili me luve i koya sa mate, me vakawa kina na tamata a mate ena vanua o Isireli.

7Kevaka e sega ni via vakawatitaki koya na tacina na tagane sa mate, me qai lako na yalewa o ya vei ira na qase ni koro o ya ka kaya vei ira ‘Na taci watiqu a sega ni via cakava na nona i tavi vei au. Sa sega ni via solia vei tuakana e dua na nona kawa vei ira na Isireli.’Ruci 4.7-8

8Me ra qai kaciva na tacina na tamata sa mate na qase ni koro, ka dreta laivi mai e dua na nona i vava na taci watina ka kasivita na yadrena ka kaya,

9me qai kaciva na tacina na tamata sa mate na qase ni koro, ka dreta laivi mai e dua na nona i vava na taci watina ka kasivita na yadrena ka kaya, ‘Sai koya oqo na ka sa yaco vua na tamata sa sega ni via solia vei tuakana e dua na nona kawa!’

10E Isireli taucoko ena vakatokai na nona vuvale me ‘vuvale i koya sa luva tani na nona i vava.’

Eso Tale na i Vakaro

11Kevaka e rua na tagane e rau veivala, sa qai lako mai na watina yalewa e dua vei rau ni sa vinakata me vukea na watina, ka dreta na ka vakatagane nei tagane ka dua,

12muduka tani na ligana, kakua ni lomana na yalewa o ya.

13Me kakua ni tiko ena nomuni taga e rua na i vakarau bibi, e dua sa mamada ka dua me bibi.Vsoro 19.35-36

14Me kakua ni tiko ena nomuni vale e rua na i vakarau, e dua me ka levu ka dua me ka lailai.

15Vakayagataka na i vakarau bibi e dodonu ka dina, kei na i vakarau balavu e dodonu ka dina, me balavu kina na nomuni bula ena vanua sa solia vei kemuni o Jiova na nomuni Kalou.

16Ni sa cati ira na tamata lawaki ca ka dau veivakaisini o Jiova na nomuni Kalou.

Lewa me Ra Vakamatei na Amalekaiti

17Mo ni nanuma na ka era a cakava vei kemuni na kawa i Amaleki ena gauna o ni a lako kina mai Ijipita.Lako 17.8-14; 1Samu 15.2-9

18Era a sega ni rerevaka na Kalou, ka valuti kemuni mai dakumuni ena gauna o ni a oca ka malumalumu kina, ka vakamatei ira kece era sasaga voli yani e muri.

19Ia ena gauna sa solia vei kemuni na vanua mo ni taukena o Jiova na nomuni Kalou, ka o ni sa taqomaki vinaka talega mai vei ira na kemuni meca era wavokiti kemuni, mo ni qai vakamatei ira kece na kawa i Amaleki ka me ra guilecavi vakadua e vuravura. Kua ni guilecava!