Dauvunau Na i Vakamacala Taumada - Vakavakadewa Vou kei na iVola tale eso（FNVDC12）

Na i Vakamacala TaumadaSa volai ena Dauvunau na nona vakanananu na Qasenivuli (ena vosa vakaiperiu) se Dauvunau, o koya ka sa dau vakasamataka vakabibi ni sa lekaleka wale ga na bula ni tamata ka veilecayaki vakalevu, ka sa tiko vata kei na kena i tovo tawa kilikili eso ka vakamosi ulu, me la'ki tini sara ena nona sa qai kaya vakaoqo ni sa ka wale ga na bula. A sa dredre sara vua me kila rawa e lomana na i tovo ni Kalou, o koya sa lewa na i tinitini ni tamata yadudua. Ia, e dina ga ni sa vaka tu oqori, a sa vakasalataki ira ga na tamata o koya me ra cakacaka vakaukauwa, ka me ra marautaka ka vakayagataka vinaka talega na veisolisoli eso ni Kalou vei ira.E vuqa na nona vakasama na Dauvunau e vaka me veicalati tu se dau veivakayalolailaitaki. Ia na kena vakacurumi na i vola oqo ki na i Vola Tabu e dusia votu na rabailevu kei na titobu ni vakabauta vakaivolatabu ena vuku ni kena okati talega kina na vakatitiqa kei na rai malumalumu eso. Era yalo vakacegu e lewe vuqa ni ra raica na kedra i yaloyalo ena Dauvunau, ka ra kila kina ni Vola Tabu vata ga e tukuna na veivakasama vakaoqo e dusia talega na sala ni vakanuinui vua na Kalou, me rawati kina na i balebale yaga sara ni bula.Na Lewe ni VolaE tiko li na i naki ni bula? 1.1–2.26

Vosa ni Dauvunau me baleta na bula 3.1–11.8

Na i Otioti ni Veivakasalataki 11.9–12.8

Na i Tinitini 12.9-14