Isikeli 30 - Vakavakadewa Vou kei na iVola tale eso（FNVDC12）

Ena Totogitaki o Ijipita

1Sa yaco tale vei au na vosa i Jiova, ka vaka:

2Luve ni tamata, mo parofisai, ka kaya, Sa kaya vakaoqo na Kalou o Jiova:

Ni qoqolou, Ulei ki na siga o ya!

3Ni sa voleka mai na siga,

io sa voleka mai na siga i Jiova;

na siga butobuto ni o loaloa,

na nodra gauna ni leqa rerevaki na veimatanitu.

4Ia ena tau ki Ijipita na i seleiwau

na rarawa bibi kei na yaluma ki Eciopea,

ni ra sa bale na moku mai Ijipita,

ka sa tokitaki tani na kena i yau,

ka talaraki sobu na kena yavu.

5‘O Eciopea, o Puti, o Luti, Arapea kece kei Libiya, ira na lewe ni vanua sa nodra i to, era na bale vata kei ira ena i seleiwau.’ ”

6Sa kaya vakaoqo o Jiova, Era na bale talega na tokitaki Ijipita, ia ena yali tani na nona kaukauwa, a viavialevu kina; me vakatekivu mai Mikitoli, ka yala ki Saini era na bale vata ena i seleiwau, a kaya na Kalou o Jiova.

7Ena qai lala o koya, vei ira ena veivanua sa lala na nona veikoro talega sa na tu vei ira na veikoro sa rusa.

8Ia era na qai kila ni sai au o Jiova Ni'u sa tutuvaka na bukawaqa mai Ijipita, ka ra na vakarusai kecega na nona i to.

9“Ena siga o ya, au na talai ira na i talai yava totolo, me ra vakarerei ira na kai Eciopea ka ra sa wele tu ka sega ni kilakasami, ena bikai ira na rarawa levu ena siga ni leqa rerevaki e Ijipita; ka raica, sa yaco mai!”

10Sa kaya vakaoqo na Kalou o Jiova, “Au na muduka tani na i yau kei Ijipita, ena liga i Nepukanesa na tui Papiloni.

11O koya vata kei ira na nona tamata, na vanua rerevaki duadua vei ira na veimatanitu, era na kau mai me ra vakarusa na vanua; ka ra na ucuna na nodra i seleiwau me mokuti Ijipita, ka vakasinaita na vanua ena yagodra na moku.

12Ia ka'u na vakamacara na uciwai na Naile, ka volitaka na vanua ki na ligadra na tamata ca; Ia ka'u na vakacacana na vanua, kei na veika kece sa tu kina, ena ligadra na kai tani; Oi au o Jiova, ka'u sa cavuta.”

13A kaya vakaoqo na Kalou o Jiova: “Au na vakarusa na veimatakau, ka muduka tani na nodra i vakatakarakara mai Memifisi; ia ena sega tale ni dua na tui ni vanua o Ijipita; ka'u na vakatubura na rere ki na vanua o Ijipita.

14Ia ka'u na vakacacani Pacirosi, ka tutuvaka na bukawaqa mai Soani, ka ia na cakacaka ni vakataulewa ki Tepisi.

15Ia ka'u na sovaraka na noqu cudru ki Pelusumi, na bai kaukauwa kei Ijipita, ka muduki ira tani na lewe vuqa mai Tepisi.

16Ka'u na vakamai Ijipita; ka na rarawa vakalevu o Pelasiumi; ia o Tepisi ena basuraki, ka na vakabalei sobu na kena bai.

17Era na vakabalei ena i seleiwau o ira na cauravou ni Ono kei Pi-beseci;

18Ena butobuto mai na siga mai Tapanesi ni'u sa na qai voroka kina na vanua o Ijipita, ka sa muduki kina na nona kaukauwa sa viavialevu; ena tabonaki koya sara e dua na o, era na tauri vakavesu o ira na luvena yalewa.

19Au sa na cakava vakaoqo na cakacaka ni vakataulewa vei Ijipita. Era na kila ni sai au o Jiova.

20Ia ena i kavitu ni siga ni matai ni vula ena i kavitu ni yabaki, sa qai yaco mai vei au na vosa i Jiova, ka vaka:

21Luve ni tamata, Au sa musuka na liga i tui Ijipita na tui Ijipita; ka raica, sa sega tu ni vauci, me mavo kina ena kena viviraki ena i vadreti, me kaukauwa kina ka taura tale na i seleiwau.

22O koya sa kaya kina vakaoqo na Kalou o Jiova: Raica, sai au na meca i tui Ijipita na tui Ijipita, ia ka'u na musuka ruarua na ligana, na kena sa kaukauwa kei na kena sa ramusu; ka'u na vakalutuma tani mai na ligana na i seleiwau.

23Ia ka'u na vakasevi ira na kai Ijipita ki na veimatanitu, ka dui biubiuti ira ki na veivanua.

24Ia ka'u na vakaukauwataka na liga i tui Papiloni, ka solia na noqu i seleiwau ki na ligana; ka'u na musuraka na liga i tui Ijipita, ia ena vutugu talega me vaka e dua na tamata sa vuetaki me mate.

25Ia ka'u na vakaukauwataka na ligana na tui Papiloni, ia ena lutu sobu na liga i tui Ijipita; ka ra na kila ni sai au o Jiova. Ni'u sa solia na noqu i seleiwau ki na ligana na tui Papiloni, sa na dodoka o koya me valuta na vanua o Ijipita.

26Ia ka'u na dui vakasevi ira na kai Ijipita ki na veimatanitu, ka biubiuti ira ki na veivanua. Era na kila kina ni sai au o Jiova.”