Same 87 - Vakavakadewa Vou kei na iVola tale eso（FNVDC12）

1Sa tara na nona koro na Kalou ena ulunivanua tabu;

2Sa lomana vakalevu duadua na koro o Jerusalemi o

Koya mai na veivanua kecega e Isireli.

3Rogoca mada o iko, na koro ni Kalou,

Na veika talei sa tukuna o koya ena vukumu.

4Ni'u wilika na veimatanitu era talairawarawa vei au,

Au na wiliki rau kina o Ijipita kei Papiloni;

Au na qai kaya me baleti Filisitia, Taia kei Eciopea,

Ni ratou sa wiliki talega me nei Jerusalemi.

5Ia, ena tukuni ga me baleti Saioni

Ni ra sa wiliki kina na veimatanitu kecega;

Ka na vakataudeitaka o Koya sa Cecere Sara.

6Ena vola o Jiova e dua na i vola ni yacadra na tamata,

Ka na okati ira kece kina na tamata me ra lewe ni koro o Jerusalemi.

7O ira kece era tiko e kea era sa sere kei na meke, ka kaya,

“Sa tiko mai Saioni na i vurevure ni neimami vakalougatataki.”

A Tagi ni Kere Veivuke

A Sere. A nodra Same na luve i Kora. Vua na i liuliu ni sere: me vaka na Maalaca Leanoca. A Masikili i Amani na Eseraaiti.