1Kakua ni nanuma ni sa lekaleka na liga i Jiova
Me sega kina ni ia na veivakabulai,
Se didivara na daligana
Me sega kina ni rogoca na nomudou kaci ni veivuke!
2Ia na nomudou i valavala ca ga
Sa tawasei kemudou mai vua na Kalou;
Na nomudou i valavala ca ga
Sa vunitaka na matana mai vei kemudou,
Me sega kina ni rogoca.
3O ni sa cala ena vuku ni nomuni vosa lasu,
Kei na i tovo kaukauwa kei na laba.
4O ni sa sega ni totaka na dodonu ni ka o ni la'ki veilewai kina.
O ni sa vakararavi ki na lasu mo ni qaqa kina ena veilewai.
O ni sa vakayacora na nomuni i naki me ra ca kina na tani.
5Sa rerevaki na nomuni i naki ca
me vaka na yaloka ni gata bati gaga.
Ni dirika e dua na yaloka,
sa lade sara mai na gata.
6Na nomuni i naki ena sega ni solia
e dua na ka vinaka vei kemuni.
Era sa tawa yaga me vaka na i sulu
e caka mai na lawalawa ni viritalawalawa.
7 Roma 3.15-17 Na yavamuni sa ciciva na ca,
ka vakusakusa mo ni vakadavea na nodra dra na tamata dodonu.
O ni sa vakasamataka ga ena nomuni vakasama na i valavala ca,
Ka laiva tu na veika ca kei na veika sa rusa ena veivanua o ni lakova.
8O ni sa sega ni kila na sala ni vakacegu
Ka sa sega ni dua na ka dodonu e tu ena nodra sala.
O ni sa cakava me veve na nomuni veigaunisala,
Ka sa sega ni dua e lako kina me kunea na vakacegu
Era sa Vakatusa na Nodra Cala na Tamata9Era sa kaya na tamata,
“O koya oqo sa yawa kina vei keda na lewa dodonu,
Ka sa sega ni yaco mai vei keda na ka dodonu.
Eda a vaqara na rarama, ia eda a qai raica na butobuto,
Eda sa qara na i serau, ia eda qai lako ena butobuto.
10Eda sa vakayayamo voli me vaka na mataboko.
Eda sa tarabe tu ena yakavi siga me vaka ena buto
Me vakataki ira na mate mai bulu.
11Eda sa kudrukudru kece me vaka na bea,
Ka vakaloloku me vaka na ruve.
Eda sa vakasaqara na lewa dodonu,
Ia eda sa sega ni kunea.
Eda sa vakasaqara na veivakabulai,
Ia sa yawa sara mai vei keda.
12Turaga sa ka levu na neimami i valavala ca e matamuni
Ka sa beitaki keimami na neimami i tovo ca.
Keimami sa kila tu na kena levu.
13Keimami sa dau saqati kemuni,
Ka dau vakanadakui kemuni,
Ka dau bese ni muri kemuni.
Keimami sa dau vakararawataki ira na tani
Ka dau saqati kemuni.
Sa ka lasu na neimami vakasama
kei na neimami vosa.
14Sa vagolei tani na dodonu
Ka sega ni rawa ni voleka mai na i tovo savasava.
Sa bale sobu na dina ena loma ni rara ni koro
Ka sa sega na tikina me nona na dina.
15Sa sega na yalodina,
Ia o koya sa sega ni cakava na ka ca,
Sa na vakaleqai dina ga.”
Sa Vakarau o Jiova me Vueti Ira na Nona TamataSa raica o Jiova na ka oqo
Ka sa sega ni taleitaka
Ni sa sega sara na ka dodonu.
16 Aisea 63.5 Sa kurabui sara ni sa sega ni raica
E dua na tamata me vukei ira era vakararawataki.
Ia sa na vakayagataka ga na nona kaukauwa
Me vakabulai ira kina
Ka me qai qaqa talega kina.
17 Ym 5.17-23; Efe 6.14,17; 1Cesa 5.8 Ena qai daramaka na dodonu me vaka na kote i yaragi ubi ni sarisari
Kei na qaqa me vaka e dua na i sala kaukamea ni valu.
Ena qai vakaisulutaki koya ena yalo e gadreva vakalevu
Me caka vakadodonu na veika ka totogitaki me sauma na veika ca
Sa yacovi ira na tamata.
18Ena totogitaki ira na nona meca
me vaka ga na nodra i valavala ca,
Ka vakakina vei ira era tiko sara vakayawa.
19Me tekivu mai na tokalau me yaco sara ki na ra,
Na tamata kece era na rerevaki koya kei na nona kaukauwa levu.
Ena lako mai o koya
Me vaka na uciwai sa dobui
Kei na cagi kaukauwa.
20 Roma 11.26 A sa kaya o Jiova vei ira na nona tamata,
“Au na lako yani ki Jerusalemi
Me'u taqomaki kemuni ka vakabulai kemuni kece
O ni sa gole tani mai na nomuni i valavala ca.
21Au na cakava kei kemuni e dua na veiyalayalati: Na yaloqu sa tu vei kemuni kei na noqu vosa au a sa solia ki na gusumuni ena sega ni takali mai vei kemuni se mai na gusudra na luvemuni se me na takali mai na gusudra na luvedra na luvemuni ena veigauna kecega ka sega ni mudu,” sa kaya o Jiova.
Who We AreWhat We EelieveWhat We Do
2025 by iamachristian.org,Inc All rights reserved.
