1Sa qai sosomitaki koya e na veiliutaki na luvena o Jutasa, yacana tale ga o Makabe.
2Eratou vukei koya na tacina kei ira kece na ito nei tamana; era makutu na valataki Isireli.
3E kuria nodra lagilagi na kainona.
E vakacivavonovono vaka na tuwawa,
vakaisulu ni ivalu me vala,
me taqomaki ira na mataivalu e na nona iselewau.
4E vaka na laione e na nona itovo,
vaka na luve ni laione ni kudruva na kena.
5E vaqarai ira, vakasasataki ira na basu lawa;
vakamai ira na sagai ira na kainona.
6Era sa suka i muri na dau basu lawa e na nodra ravataki koya;
era veilecayaki kece na dau caka ca;
nona cakacaka voli na veisereki.
7E levu na tui era a sevaki koya,
o Jekope ga a marautaka nona cakacaka;
sa mani vakalagilagi tawamudu kina.
8E vakacuruma na veikoro e Juta,
vakawabokotaki ira kina na tamata ca,
mani sabaya kina na cudru me kua ni tau vei Isireli.
9E rogo e na veiyasai vuravura;
e vakasoqoni ira mai na sa vakarau vakamatei.
10Ia e vakasoqoni ira o Apolonio na kaitani kei na dua na mataivalu levu mai Samaria me valuti Isireli.
11Ni sa rogoca o Jutasa, a lako yani merau vala, mani ravuti koya. E levu era mavoa se mate, kena vo era dro.
12Sa qai nodra na itokinivalu, nei Jutasa na iselewau nei Apolonio, mani vakayagataka e na ivalu me yacova nona mate.
13Ni sa rogoca o Seroni na vunivalu ni Siria ni sa dua na mataivalu levu nei Jutasa, wili kina na ilala tamata yalodina era tomani koya e na ivalu,
14sa kaya sara: “Au na vakarogoya na yacaqu meu rokovi e na vanua. Au na valuti Jutasa kei na nona mataivalu, nira beca tiko na lewa ni tui.”
15Era mani tovaki koya e lewe levu tale na tamata tabulotu mera saumi ira na luve i Isireli.
16Ni sa torova yani na icabecabe i Becoroni, sa lako yani o Jutasa kei na dua na ilala me tavaki ira.
17Ia niratou sa raica na mataivalu na ilala i Jutasa, eratou kaya vua: “Na kedatou lewe lailai tou na valuti ira vakacava na mataivalu vakaitamera qo? Tou sa malumalumu tale ga na sega ni kana nikua.”
18E sauma o Jutasa: “Na le vica e rawa ni sogota na le levu, baleta e mata i lomalagi, e tautauvata se vakabulai na le levu se le lailai.
19Na qaqa e na ivalu e sega ni ka ni levu ni mataivalu, e soli ga mai lomalagi.
20Era mai saqati keda e na dokadoka levu kei na basu lawa mera vakawabokotaki keda kei na noda veitinani me lala na vanua;
21ia o keda, eda valataka tiko noda bula kei na noda lawa.
22Na Kalou ga e na qaqiraki ira e matada; dou kua ni rerevaki ira.”
23Ni vosa oti ga, sa qai cicivi Seroni yani vakasauri kei na nona mataivalu, era samulaki kece e matana.
24Eratou cemuri ira sobu e na baba e Becoroni yacova na buca; era bale e walu na drau, kena vo era dro i Filisitia.
25Eratou sa qai rogo o Jutasa kei na tacina, era domobulataki iratou na kaitani era veitikivi.
26Sa rogo o Jutasa vua na tui, era tavusoya na kaitani na nona ravuravu.
Na Tui sa lesi Lisiasi me kovana27Ni sa rogoca o Adioko na tui na itukutuku qo, sa cudru vakalevu; sa qai talatala mera soqoni na veimataivalu ni nona matanitu, me mataivalu kaukaua dina.
28E dolava nona katonitu, saumi ira nona mataivalu me dua na yabaki, vakaroti ira mera vakarau vinaka tu.
29Sa qai raica ni sa lala na katonitu, sa lailai na ivakacavacava baleta na veisei kei na leqa a vakavuna ga o koya e na nona bokoca na lawa se tu mai liu.
30Sa leqataka de qai lailai na ilavo ni volivoli, se me voli kina na iloloma e dau veivoliyaka, ni a qai bau dua na tui dau soli iloloma.
31Na levu ni nona lomaleqa, sa lomana kina me lai kumuni ilavo i Peresia, me dua kina na ilavo levu.
32E tataunaka vei Lisiasi, turaga dokai, dra vakaturaga, me lewa na vanua mai na wai o Iuferetisi me yacova na iyalayala kei Ijipita.
33Tataunaki tale ga o Adioko na luvena me yacova nona lesu yani.
34E mani solia vei Lisiasi na veimama ni nona mataivalu kei na nona elefadi kece, qai tukuna vua na ka kece me vakayacori: me valuti ira na kai Juta kei Jerusalemi
35mera kawaboko, mera kua tale kina ni rogo,
36mera kau mai na kaitani qai votai vei ira na qele.
37Sa qai cavutu na tui mai Adioki nona koroturaga kei na veimama ni mataivalu e na ika147 ni yabaki. E dewa i tai ni Iuferetisi qai vakalakova na veiyasana e cake.
Sa qaqa o Jutasa38O Lisiasi e lesi Tolemi na luve i Doremene, o Nikanore kei Qojiasi, e tolu na ligaqaqa vei iratou na ilala ni tui,
39qai talai iratou yani vata kei na vasagavulu na udolu na sotia taubale, vitu na udolu na mataivalu vodo ose, mera lai vakavuai Juta me vaka na lewa ni tui.
40Eratou mani cavutu kei na mataivalu taucoko; nira sa yaco yani, era sa keba volekati Emeo e na bucabuca.
41Nira sa rogoca na dauveivoli ni yasayasa ya na kedra itukutuku, era sa yau siliva kei na koula, vakina na iqamu ni liga, mera voli ira na luve i Isireli mera bobula. Era mai tovata kei ira na mataivalu ni Siria kei Filisitia.
42Eratou sa raica o Jutasa kei iratou na tacina ni sana tubu na leqa nira sa mai keba na mataivalu e na nodratou vanua. Eratou sa kila tale ga na ivakaro ni tui me baleti ira, mera sa kawaboko kina vakadua.
43Eratou kaya, “Medatou vueti keda, medatou sa valataki ira na kainodatou kei na valetabu.”
44Era mani soqo na lewenivanua mera vakacibi ivalu, mera masulaka na loloma ni Kalou.
45Sa lala o Jerusalemi vaka na veitalasiga,
sega ni dua na luvena e curu i loma se i tuba.
Sa buturaki na valetabu,
na korotabu sa nodra na luve ni vulagi,
nodra icili na kaitani.
Sa yali na marau nei Jekope;
sa galu na dulali kei na api.
46Era mani soqoni, ra gole i Misipa donumaka Jerusalemi, ni a tiko kina e liu e dua na nodra vanua ni masu na Isireli.
47Era lolo e na siga ya, ra vakaisulutaga, boro dravusa na uludra, ra dresulaka nodra isulu.
48Era cega na ivola ni lawa me saumi kina nodra taro, me vaka nodra taroga na matakau na tabulotu.
49Era kauta tale ga mai na isulu ni bete, na isevu ni vuata kei na ikatini, era bukani ira na Nasiraiti sa cava nodra voto,
50era qai tagi lagalaga i lomalagi, ra kaya,
“Me caka vakacava na veika qo?
Me kau i vei?
51Sa buturaki nomuni vale tabu, sa beci,
era sa lolosi na nomuni bete e na madua.
52Ni raica, era sa tuva ivalu tu na kaitani mera vakawabokotaki keimami;
oni kila nodra veretaki keimami tiko.
53Me keimami vorati ira vakacava,
keoni sega ni veivuke?”
54Era qai uvu biukila, ra tabalaka na kaila.
55Oti qo, sa veilesi o Jutasa, o koya me liutaka na le udolu, le drau, le limasagavulu, le tini.
56Vrua 20.5-8; Dvei 7.3Sa qai vakasukai ira i vale me vaka na lawa, o ira na tara vale tiko, se veimusumusuki tu, se tei vaini tiko, se yalolailai.
57Sa qai tayabe yani na mataivalu, lai keba e na ceva kei Emeo.
58Sa qai kaya o Jutasa, “Ni tu vakarau, ni yaloqaqa. Ni vakarau e na mataka caca meda valuti ira na kaitani qo era sa soqo tu mera vakawabokotaki keda kei na noda vale tabu.
59E vinaka meda bale e na ivalu, meda kua ga ni raica na vakaloloma ni noda matanitu kei na vale tabu.
60Ia se cava ga na lomana o koya mai lomalagi, e na vakayacora.”
Who We AreWhat We EelieveWhat We Do
2025 by iamachristian.org,Inc All rights reserved.
