Yalomatua 3 - Vakavakadewa Vou kei na iVola tale eso（FNVDC12）

Na madigi ni tamata yalododonu

1Ia na yalodra na yalododonu sa tu e liga ni Kalou, era na sega ni bau kila na rarawa.

2Ym 4.17Vei ira na lialia e vaka era sa mate; nodra takali e wiliki me leqa levu;

3nira biuti keda, era sa okati mera qeyavu vakadua; ia e sega, era sa lai vakacegu.

4E na rai ni tamata, sa tau na kedra itotogi, ia e sega; era sa vakanuinui tawamudu.

5Roma 8.18; 2Tui 4.17Era kuita ga vakalailai, era na qai kalougata vakalevu. Sa vakatovolei ira na Kalou, qai kunea nira ganita mera nona ilala,

6a vakatovolei ira vaka na koula e na tunua, qai ciqomi ira me vaka na isoro kama.

7Ni na mai raica na Kalou, era na qai serau, era na cacalidilidi me vaka e kama na veigasau.

8Era na lewa na veivanua kei na veimatatamata, e na nodra tui tawamudu na Turaga.

9O ira na raviti koya era na kila na dina, o ira na yalodina era na tiko vata kaya e na loloma, ni o ira nona digitaki e na sobuti ira na loloma kei na veivosoti, e dau yadravi ira na nona yalododonu.

Na madigi ni tamata valavalaca

10Ia o ira na tabulotu era na totogitaki me veiraurau kei na nodra vakasama, nira vakawalena na yalododonu, era vorata na Turaga,

11ni o koya e cata na vuku kei na vuli, e na vakaloloma. E matewale nodra vakanuinui, e maumau nodra buno, e tawayaga nodra cakacaka.

12Era lialia na watidra, era gone ca na luvedra;

13era kawa ca.

Na yaga ni viritute

E kalougata na yalewa e yava, e sega ni bau veibutakoci; e na qai vua e na siga ni lewa.

14E kalougata tale ga na tagane sele e sega ni bau valavalaca se me via saqata na Turaga, ni na lomani vakalevu e na vuku ni nona yalodina, e na nona tale ga na vanua ni marau levu e na valenisoro ni Turaga.

15E dau sakitaki na vua ni cakacaka vinaka, sega ni takali na vu ni vuku.

16Ia o ira na luve ni veibutakoci, era na sega ni yaco mera tamata bula; na kawa ni veiyacovi cala, e na yali.

17Kera bula dede mada ga; era na beci tu ga, era na qase mai, era na sega ga ni rokovi.

18Kera mate dole, sana oti nodra vakanuinui, era na sega ni vakacegu e na siga ni lewa,

19nira dau tini vakaloloma na itaba valavalaca.