1A qai sauma o Jope, ka kaya,
2 Jope 4.17 Io, au sa kila ni oqori sai tukutuku dina.
Ia ena rawata beka vakacava e dua na tamata
Me savasava sara ena mata ni Kalou?
3O cei li na tamata e bolea me rau veileti kaya?
Kevaka e taroga vua e udolu na taro,
Ena sega mada ga ni duabulu e sauma rawa.
4Sa rui vuku ka kaukauwa na Kalou,
Ka sega ni dua e rawa ni rau veisaqa.
5Sa tosoya na veiulunivanua ka sega na tamata e kila,
Ka vukica ena nona cudru kaukauwa.
6Na Kalou sa tala mai na uneune levu me kureitaka na vanua;
Sa yavalata na i vakadei kei vuravura.
7 Br 3.34,35 Sa rawa vua na Kalou me tarova na cabe cake ni matanisiga;
Ka tarova na cila ni veikalokalo ena bogi.
8Sa sega ni dua e vukea na Kalou ena nona tuva na lomalagi,
Ka sa cakava vakaikoya ga na butuki ni dela ni ua ni wasawasa.
9 Jope 38.31; Emo 5.8 Na Kalou ga sa bulia na veikalokalo me vaka na Bea kei na Orioni,
Na Peliatisi kei na yatu kalokalo ena ceva.
10Sa dredre sara me da kila na veika lelevu sa cakava na Kalou,
Ka sa sega ni vakaiyalayala na nona cakacaka mana.
11Ni sa lako siviti au na Kalou, au sa sega ni raici koya rawa;
Ka'u sa sega ni vakilai koya ni sa lako raviti au.
12Sa na taura ga na Kalou na ka e vinakata,
Ka na sega ni dua e tarovi koya rawa.
13Na cudru ni Kalou sa sega ni mudu rawa.
Na nona meca kece sa vakarusa;
Oqori o ira era a vukei Rapi na tevoro ni wasawasa
Ena nodra valuta na noda Kalou.
14Au na kunea rawa vakacava na vosa
Me saumi kina na taro a taroga?
15E dina ga ni'u sega ni cala,
Ia na ka ga au rawa ni cakava,
Sa i koya me'u kerea na yaloveivosoti
Mai vua na Kalou na noqu turaganilewa.
16Kevaka sa mani vakakina, me sa laivi au me'u vosa,
Au sega ga ni vakabauta ni na vakarorogo mai o koya.
17E a tala mai o koya na cagilaba
Me mai samuti au me'u mavoa sara;
Ia, e sega mada ga na vuna vinaka.
18E sega ni laivi au na Kalou me'u cegu vakavinaka mada;
Ka ni ka e cakava vei au sa vakavuna ga na noqu rarawa.
19Me'u sa tovolea beka vua na i tovo kaukauwa,
E me sa veilewaitaki.
O cei oqo ena tabaka na kena samani?
20Au sa vakabauta tikoga, ka'u sega ni cala,
Ia na i rogorogo ga ni noqu vosa e cala,
Ka rairai me vakacalai au kecega na veika au kainaka.
21Oi au e sega na noqu cala,
Ia au sa sega ni kauwaitaka.
Sa ca vei au na bula tiko.
Sa ka ni oca vei au.
22Sa veitalia na ka kecega;
Se da cala se da dodonu
Ena vakarusai keda ga na Kalou.
23Ni mate vakasauri e dua na yalododonu,
Sa qai dredre na Kalou.
24E a solia oti na vuravura na Kalou vei ira na tamata ca.
E a vakamatabokotaki ira talega na turaganilewa.
Kevaka a sega ni cakava na Kalou na ka oqo, ia o cei ga?
25Era sa vuka tiko yani na veisiga ni noqu bula,
Ka sa totolo, ia sa sega ni dua vei ira e bau siga vinaka.
26Sa toso ni bula sa totolo dina vaka na waqa totolo,
Sa vaka na ikeli ni sa vukaca sobu mai na ka me kania.
27Ke'u mani kaya, ‘Au na guilecava na noqu vosa kudrukudru;
Ka'u na qai biuta laivi ga na noqu vakaveveku mata ka matadredredre,’
28Ia sa dau lesu ga mai na noqu rarawa me vakarerei au;
Ka'u sa kila ni sa beitaki au ga na Kalou ni'u sa cala.
29Me vaka ni'u sa beitaki ena cala,
A cava ga me'u qai kauwaitaka?
30Na noqu cala e sega sara ga na sovu e rawa ni savata.
31E viritaki au ki na dua na i sovasova ni benu na Kalou,
Ia na noqu i sulu mada ga e vakasisilataki au sara.
32Kevaka e tamata na Kalou bula, ia ena rawa ni'u sauma vua;
Ena rawa talega ni keirau la'ki veilewai me wali kina na neirau kisi ni veileti.
33Ia sa sega ni dua me turaganilewataki keirau,
Sa sega e dua me lewai au vata kei na Kalou.
34Kemuni na Kalou, mo ni muduka mada na nomuni vakanakuitataki au!
Mo ni kauta tani talega na nomuni ka ni veivakarerei!
35Au sa sega ni rere. Au sa na vosa ga
Baleta ni'u kila vinaka na ka e tu e lomaqu.
Who We AreWhat We EelieveWhat We Do
2025 by iamachristian.org,Inc All rights reserved.
