Same 26 - Vakavakadewa Vou kei na iVola tale eso（FNVDC12）

1I Jiova, mo ni vakatakila ni sa sega na noqu cala,

Baleta ni'u sa cakava na ka e dodonu,

Ka vakadinati kemuni ena yaloqu taucoko.

2Ni dikevi au ka vakatovolei au Jiova,

Ka mo ni vakataulewa ki na noqu gagadre kei na vakasama.

3Sa dau tuberi au voli ga na nomuni loloma tudei,

Ka sa liutaki au tikoga na nomuni yalodina.

4Au sa sega ni lasa kei ira na tamata tawayaga

Ka sega ni dau tiko kei ira na dauveivakaisini.

5Au sa cata na nodra i soqosoqo na tamata ca,

Ka sega ni lasa kei ira na i valavala ca.

6Kemuni Jiova au sa vuluvulu me'u vakaraitaka kina ni'u sa tawa cala,

Ka lako yani me'u qaravi kemuni ena nomuni cabocabonisoro.

7Au sa lagata e dua na sere ni vakavinavinaka

Ka tusanaka na nomuni cakacaka veivakurabuitaki.

8Kemuni Jiova au sa taleitaka na vale o ni tiko kina,

Na vanua sa tiko kina na nomuni lagilagi.

9Ni kakua ni vakarusai au vata kei ira na tamata i valavala ca;

Ni vakabulai au mai na veika rerevaki e dodonu me nodra na daulaba.

10O ira era cakava na ka ca ena veigauna kecega sa dau nodra i vakarau

Me ra saumi ira na tamata me ra cakava na ka ca.

11Ia oi au, au sa dau cakava na ka e dodonu;

Ni lomani au ka vakabulai au.

12Au sa galala mai na leqa kecega;

Ka'u sa dauvakacaucautaki Jiova ena veisoqoni vakalotu vakaivavakoso.

A Masu ni Veivakacaucautaki

A nei Tevita.