1Na cava o ni sa rui yawa kina Jiova?
A cava o ni dau vunitaki kemuni kina ena veigauna ni leqa?
2Era sa dokadoka ni vakararawataki ira na dravudravua
o ira na tamata i valavala ca;
Me ra coko tale mada ga ena dai era a viria.
3Sa dokadokataka voli na tamata ca na nona gagadre ca;
Sa vosacataka ka cati Jiova na tamata kocokoco.
4Sa kaya ena nona dokadoka na tamata i valavala ca,
“Ena sega ni totogitaki au na Kalou!
Sa sega ni kauwaitaki o koya!”
Sa i koya oqori na ka e nanuma na tamata ca.
5Sa toso cake na ka kecega e cakava.
Sa sega ni vakasamataka rawa na veilewai ni Kalou;
Ka sa beci kina na kena meca.
6Sa kaya e lomana o koya,
“Ena sega na ka ena yavalati au rawa,
Au na sega sara ni sotava e dua na leqa.”
7Sa vosataka na gusuna na veivakasewasewani,
na lasu kei na veivakararawataki;
la sa dau totolo me vosataka
na vosa vakasisila kei na vosa ca.
8Sa vunitaki koya voli ena veikoro,
Sa wawa voli e kea me labati ira na tamata dodonu.
A sa dau vakaraici ira lo voli na malumalumu me vakacacani ira;
9Sa wawa koto ena nona i vunivuni me vaka na laione.
Sa davo koto me waraka na dravudravua ka sa mavoa vakaca sara,
A sa vesuki koya ena nona dai ka kauta tani yani.
10Sa davo koto na tamata dravudravua ka sa mavoa vakaca sara;
Sa vakadrukai koya na kaukauwa tawa loloma.
11A sa kaya e lomana na tamata ca, “Sa sega ni kauwaitaki na Kalou.
Sa vunia na matana ka na sega ni raici au!”
12Ni lako mai Jiova ka mai vakabulai au!
Kemuni na Kalou ni kakua ni guilecavi koya sa vakalolomataki.
13A cava sa beca kina na Kalou na tamata ca
Ni sa kaya e lomana, “Ena sega ni totogitaki au o koya?”
14Ia, o ni sa raica;
O ni sa kunea na rarawa kei na vutugu,
Ka vakarau tu mo ni veivuke.
Sa soli koya taucoko na tamata malumalumu vei kemuni
Baleta ni o ni sa dau vukei ira tikoga na dravudravua.
15Ni tamusuka na nona kaukauwa
na tamata loma ca ka i valavala ca;
Me ra totogitaki ena vuku ni nodra i tovo ca,
Me yacova sara ni ra sa muduka vakadua.
16Sa Tui na Turaga ka tawa mudu,
Ka ra sa takali yani na veimatanitu mai na nona vanua.
17I Jiova, o ni na rogoca na nodra masu na malumalumu,
O ni na qai solia vei ira na kaukauwa.
18O ni na rogoca na nodra tagi
o ira sa vakararawataki kei ira na luveniyali;
Ka vakatauca na lewa vinaka ena vukudra,
Me ra kakua tale kina ni veivakarerei
o ira na tamata era na mate talega.
Sere ni Noda Nuitaka na KalouVua na i liuliu ni sere. A nei Tevita.
Who We AreWhat We EelieveWhat We Do
2025 by iamachristian.org,Inc All rights reserved.
