1A sa yabaki 25 o Jocame ena gauna e tekivu veiliutaki kina vakatui e Jerusalemi; a sa tinikaono na yabaki na balavu ni nona veiliutaki e Jerusalemi. Na yaca i tinana o Jirusa, na luve i Setoki.
2A dodonu na nona i valavala ena mata i Jiova me vaka na ka kecega sa cakava o Usaia na tamana, ia era se ia ga na i valavala tawadodonu na tamata.
3A sa tara o Jocame na Matamata ni Valenisoro mai na vualiku ka vakaogai koya sara ena caka ni dela ni bai mai Ofeli.
4Ia a tara talega na veikoro ena vanua veiulunivanua e Juta, ka tara ena veikau na veivale ni valu, kei na vale cere-i-cake ni yadra.
5A vala talega kei koya na nodra tui na Amoni ka vorati ira. Era a solia vua ena yabaki o ya na Amoni e 3,400 na kilokaramu siliva, kei na 1,000 na tani witi, kei na 1,000 na tani na barile. Era a solia vei Jocame na Amoni e levu na i yau kei na kakana vata vakaoqo, ena i karua kei na i katolu ni yabaki.
6A tubu cake me kaukauwa sara o Jocame, ni a vakarautaka na nona i valavala me dodonu ena mata i Jiova na nona Kalou.
7Ia na vo ni cakacaka i Jocame, na nona i valu kecega, kei na nona i valavala, raica, a volai tu ena Kedra i Vola na Tui Isireli kei Juta.
8E a yabaki 25 o Jocame ena gauna e buli kina me tui, ka a veiliutaki vakatui voli me tinikaono na yabaki.
9A sa mate ka bulu ena Koro i Tevita, ka sa sosomitaki koya na luvena o Easi.
Who We AreWhat We EelieveWhat We Do
2025 by iamachristian.org,Inc All rights reserved.
