1Au sa vakacabora na noqu masu vei kemuni Jiova.
2Au sa vakadinati kemuni na noqu Kalou.
Ni vakabulai au mai na madua ni druka;
Ni kakua ni laivi ira na kequ meca me ra marau ena vukuqu.
3Era na sega ni druka na dau vakararavi vei kemuni.
Ia vei ira ga era dau totolo ni saqati kemuni.
4Kemuni Jiova, ni vakavulici au ena nomuni sala,
Ni vakatakilai ira vei au me'u kila.
5Ni vakavulici au me'u kila na veika dina
baleta ni sai kemuni na noqu i vakabula.
Au na vakadinati kemuni ena loma ni siga taucoko
6Kemuni Jiova, ni nanuma na nomuni yaloveivosoti
kei na nomuni loloma tudei,
O ni a sa vakaraitaka mai oqo ena gauna makawa sara.
7Ni bokoca laivi na noqu i valavala ca
kei na noqu caka cala ni'u sa cauravou.
Ni nanumi au Jiova, ena vuku ni nomuni loloma tudei
kei na nomuni yalovinaka.
8Sa yalododonu ka vinaka o Jiova;
Sa vakavulici ira na i valavala ca
ena sala e dodonu me ra lako kina.
9Sa tuberi ira na yalo malumalumu ena sala dodonu
Ka vakavulici ira ena ka e vinakata.
10Sa tuberi ira era muria na nona veiyalayalati
kei na nona i vakaro ena loloma tudei kei na yalodina.
11Ni nanuma na nomuni vosa ni yalayala i Jiova
Ka bokoca na noqu i valavala ca,
Ni sa rui ka levu sara.
12O ira kece era talairawarawa vei Jiova
era na vulica mai vua na sala e dodonu me ra muria
13Era na tiko vinaka ena veigauna kecega
ka ra na taukena na vanua na nodra kawa.
14O Jiova sa nodra i tokani era talairawarawa vua,
Ka sa vakatavulici vei ira na nona veiyalayalati.
15Au sa dau gole vei Jiova me veivuke ena veigauna kecega,
Ka na dau vakabulai au mai na leqa.
16Ni gole mai vei au, i Jiova, ka yalololoma vei au,
Baleta ni'u sa tu taudua ka malumalumu.
17Ni sereki au mai na noqu loma ocaoca kecega,
Ka vakabulai au mai na noqu leqa taucoko sara.
18Ni nanuma na noqu vakararawataki kei na noqu leqa kecega,
Ka bokoca kece na noqu i valavala ca.
19Ni raici ira kece mada na kequ meca
Ka raica na levu ni nodra cati au.
20Ni taqomaki au ka vakabulai au,
Ni maroroi au me'u kakua ni vakadrukai,
Baleta ni'u sa lako mai vei kemuni me'u taqomaki.
21Me taqomaki au na noqu yalovinaka kei na noqu yalododonu,
Baleta ni'u vakararavi vei kemuni.
22Kemuni na Kalou ni vakabulai ira na nomuni tamata
Mai na nodra leqa kecega.
Na Masu ni Tamata VinakaA nei Tevita.
Who We AreWhat We EelieveWhat We Do
2025 by iamachristian.org,Inc All rights reserved.
