1 1Kori 10.26 Sa nei Jiova o vuravura kei na veika kecega sa tu kina;
Sa nona na veivanua kei na veika kecega sa bula kina.
2Ni sa tauyavutaka o koya ena wasa levu,
Ka vakotora na kena yavu ena boto ni wasa titobu.
3O cei sa tu vua na dodonu me cabe cake ki na ulunivanua i Jiova?
O cei ena vakadonui me curu ki na nona vale tabu?
4 Maciu 5.8 O koya ga sa dau caka vinaka ka yalosavasava,
O koya sa sega ni dau qaravi kalou lasu
Ka sega ni dau yalayala lasulasu.
5Ena vakalougatataki koya o Jiova;
Ena vakadonui koya na Kalou na nona i Vakabula.
6Sa i ira na tamata vaka o ya era lako mai vua na Kalou;
Sa i ira era lako mai ki na mata ni Kalou i Jekope.
7Ni dolava vakarabailevu na matamata
Me tadola na veikatuba makawa,
Ka na qai curu mai na Tui Cecere.
8O cei na Tui Cecere oqo?
Sa i Jiova na Turaga kaukauwa ka qaqa,
O Jiova sa qaqa ena i valu.
9Ni dolava vakarabailevu na matamata,
Me dola na veikatuba makawa,
Ka me curu mai na Tui Cecere.
10O cei na tui cecere oqo?
O Jiova, na vu-ni-qaqa ena i valu — sai koya na Tui Cecere.
Na Masu ni Veituberi kei na VeitaqomakiA nei Tevita.
Who We AreWhat We EelieveWhat We Do
2025 by iamachristian.org,Inc All rights reserved.
