Same 101 - Vakavakadewa Vou kei na iVola tale eso（FNVDC12）

1Na noqu sere e baleta na yalodina kei na lewa dodonu,

Ka'u na seretaka vei kemuni Jiova.

2Ena tawa cala na noqu i valavala,

O ni na lako mai vei au ni naica?

Au na vakayacora na i valavala dodonu ena noqu vale;

3Au na sega sara ni cakava e dua na ka ca.

Au sa cata na nodra i valavala era sa gole tani mai vua na Kalou,

Ka'u na sega ni via vakaitavi vata kei ira ena dua na ka.

4Au na sega sara ni cakava e dua na ka ca;

Au na sega sara mada ga ni vakasamataka na ka ca.

5Au na vakarusa na tamata

E kaseta na wekana,

Ka'u na sega ni laiva

Na tamata dokadoka ka viavialevu.

6Au na vakadonui ira era yalodina vua na Kalou

Ka laivi ira me ra tiko ena noqu i tikotiko vakatui;

O ira era sa yalodina sara

Era na qaravi au.

7Ena sega ni dua na tamata lasulasu ena tiko ena noqu lomanibai;

Ka na sega ni dua na dauveivakaisini ena tiko e mataqu.

8Au na vakarusai ira na tamata ca era tiko ena noda vanua

ena veisiga kecega;

Au na vakasavi ira kece na tamata ca mai na koro i Jiova.

A Masu ni Kere Veivuke Vua na Tui ni Sautu

A masu ni tamata ni sa rarawa, ni sa luluvu na lomana, ka sa tukuna yani na ka e rarawa kina ena mata i Jiova.