1Na turaganilewa vuku e tuberi ira na kainona; na veiliutaki ni iliuliu yalomatua e tuvani vakamatau.
2Era ucui turaganilewa na nona vakailesilesi; na lewenikoro era ucuya tale ga na nodra iliuliu.
3Na tui yalowai e vakaleqai ira na nona tamata, e sautu ga na koro e na veiliutaki yalomatua.
4Na veiliutaki ni vuravura e tu e liga ni Kalou, e lesia e dua e donu e na kena gauna.
5Noda rawaka, e tu e liga ni Kalou; o koya, e vu ni nona rokovi na daubulilawa.
Dokadoka6Kua ni cudruvi wekamu ni cala, kua ni cakava e dua na ka e na dela ni lewa.
7E cata na Turaga na viavialevu, era cata tale ga na tamata; erau sevaka ruarua na lewa tawadodonu.
8E dewa na veiliutaki ni veivanua baleta na lewa tawadodonu, na viavialevu kei na iyau.
9Me dokadokai koya vakacava e dua e kuvu ga ni qele? E bona mada ga nona wawa ni se bula tu.
10O vuniwai e sega ni rawata na tauvimate balavu; na tui nikua e na mate nimataka.
11Ni sa mate e dua, sa nona kina na manumanu qasi, na manumanu kila kei na bacaniqele.
12Na itekivu ni dokadoka na tawase vua na Turaga; na yalona sa biuti koya a buli koya.
13E itekivu gona ni dokadoka na valavalaca; o ira na kabita, e vu ni itovo vakasisila.
Sa mani tauca vei ira na Turaga na kuita lelevu, ra sa kawaboko sara kina.
14
22O ira na vakaiyau, na rogo kei na dravudravua, e nodra lagilagi na doka na Turaga.
23Na dravudravua vuku me kua ni beci; na dauvalavalaca me kua ni dokai.
24Era dokai na yaraqele, na turaganilewa kei na iliuliu ni matanitu, ia e sega ni dua e siviti koya e doka na Turaga.
25O ira na tamata galala era qarava tale na dauveiqaravi vuku, e na sega ni vosavosa kina na tamata yalomatua.
Yalovakarokoroko kei na dokai keda26Kua ni dokadokataka nomu vuku nio cakacaka, se vakabekabei iko nio leqa tu.
27E vinaka na tamata gugumatua e vakaiyau, e ca o koya e uvudavui voli qai sega na kena.
28Na luvequ, mo solegi iko e na vakarokoroko; mo dokai iko me vaka e ganita.
29O cei e na doka e dua e beci koya ga? O cei e na doka e dua e vakaboicataka nona bula?
30E dokai na dravudravua e na nona kilaka, na vutuniyau e na nona iyau.
31E dua e dokai ni dravudravua, wacava mada ni vutuniyau! E dua e rogorogo ca ni vutuniyau, wacava mada ni dravudravua!
Who We AreWhat We EelieveWhat We Do
2025 by iamachristian.org,Inc All rights reserved.
