1Era sa kaya na tamata, “Me da mai lesu vei Jiova! A sa vakararawataki keda o koya, ia ena vakabulai keda sara vakaidina; a sa vakamavoataki keda, ia ena vauca talega na noda mavoa.
2Ena qai vakabulai keda ni oti e bogi rua, ena qai vakaturi keda cake tale ena i katolu ni siga, me da na qai bula vata kei koya.
3Me da tovolea sara me da veikilai kei Jiova. Ena lako vakaidina mai kivei keda o koya me vaka na kida ni mataka; io, ena lako vakaidina mai vei keda me vaka na uca mirimiri ena vula i tubutubu ka dau vakasuasuataka na vuravura.”
4Ia sa kaya ga o Jiova, “I Isireli kei Juta, na cava me'u na vakayacora vei kemudrau? Na nomudrau lomani au sa dau seavu tani vakatotolo sara me vaka na tegu ena kida ni mataka.
5O ya na vuna ka'u a talai ira yani kina na parofita vei kemuni me ra tukuna na i tukutuku ni veilewai kei na veivakarusai. Na veika ga ka'u sa gadreva vakamatata mai vei kemuni oqo:
6Maciu 9.13; 12.7Au sa gadreva ga na nomuni yaloveivosoti, ka segai na i soro me vakacabori. Ena vinaka cake vei au me ra kilai au na noqu tamata mai na nodra ia na vakacaboisoro vei au.
7“Ia ena gauna ga era sa curuma kina na vanua mai Atama, era a qai voroka tale na veiyalayalati ka'u a vakayacora kei ira mai kea.
8O Kiliati na koro sa sinai kina na tamata i tovo vakasisila kei na vakadave dra.
9O ira na bete era sa vaka na lawalawa daubutako sa waraka vakavuni e dua me ra mokuta. Era sa ia sara tale mada ga na veivakamatei ena gaunisala ki na vanua tabu mai Sikemi, ka ra sa nakita na nodra vakayacora na i tovo lolovira vakaoqo!
10Au sa raica e dua na i valavala torosobu e Isireli; o ira na noqu tamata era sa vakadukadukalitaki ira mai na nodra qarava na kalou matakau eso.
11“Me baleti kemuni talega na Juta, au sa lokuca oti na gauna me'u totogitaki kemuni vakakina ena vuku ni veika o ni sa vakayacora tiko.
Who We AreWhat We EelieveWhat We Do
2025 by iamachristian.org,Inc All rights reserved.
