1O koya e lomana na luvena, e na dau kanakuitataki koya vakalevu, me na qai marautaka nona itovo e muri.
2O koya e totogitaka vakadodonu na luvena, e na qai raica na kena yaga vua, e na vaqoroqoroi luvena vei ira nona icaba.
3O koya e vakavulica na luvena, e na vu ni nodra vuvu na kena meca, vu ni nona reki e matadra na wekana.
4Kevaka e mate o tamanigone, e na sega ni mate sara, ni sa bula tiko e dua e vakataki koya;
5ni se bula, sa raici koya sa marau; ni sa mate, e sega ni rarawa,
6ni sa laiva tiko mai e dua me saumi ira lesu na kena meca, me dolea na nodra yalovinaka na nona itokoni.
7O koya e vakamenemenea sivia na luvena, e na vakavuna ga me mavoa, e na dau lomaleqa e na veigauna kece e rogo mai kina na kaila.
8Na ose e sega ni vakamanoataki, e na yaco me na dau vakadrecike; vakina na gone e vakalaivi tu ga.
9Vakamenemenea na gone, e na vu ni nomu ririko; vaqitori koya, e na vu ni nomu rarawa.
10Kua niodrau marau vata qo, deodrau qai rarawa vata e muri, tini e na vakasequruquru bati.
11Kua ni laiva me vakatulewa e na gauna ni caurauvou, kua ni vakanadakuya na nona cala.
12Me rokovi iko ni se cauravou. Mo kanakuitataki koya ni se gone,
de qai vakadrecike, beci iko, qai vu ni nomu rarawa.
13Totogitaka na luvemu, tuberi koya vakadodonu, me kua ni vakamaduataki iko nona ivakarau ca.
Tuvaki ni bula14E vinaka na tamata dravudrauvua e bulabula vinaka tu, ca na vutuniyau e tautauvimate.
15Na bula vinaka e vinaka cake mai na koula kece, na yago bulabula mai na vakaiyau levu.
16E sega na iyau me vinaka cake vua na yago bulabula, sega na marau e sivita na marau ni yalo.
17E vinaka na mate, ca na bula rarawa; vinaka na vakacegu tawamudu, ca na bula tautauvimate.
18Na kakana vinaka e soli i gusu sa sogo tu, e vaka na isoro kakana e cabo e na ibulubulu.
19Na cava na betena me cabo vua na matakau na vuanikau, ni sega ni rawa ni kania se boica e dua na ka? Sa vaka kina e dua e vakararawataki koya na Turaga;
20e rai e matana, e vutugu, me vaka nona mokota na goneyalewa na turaga e sele tu.
Marau kei na rarawa21 Dvu 11.9,10 Kua ni soli iko i na yalorarawa, kua ni vakararawataki iko vakataki iko.
22Na yalomamarau e vu ni bula, vu ni bula balavu.
23Mo yalomamarau, vakacegu, guilecava nomu rarawa,
ni qori sa vakaleqai ira e lewe levu, sega ni dua na kena yaga.
24Na yalovuvu kei na cudrucudru e tini dole kina na bula, na nuiqawaqawa e vakatotolotaka na qase.
25Na tamata mamarau yaloyalovinaka e na marautaka na kena.
Who We AreWhat We EelieveWhat We Do
2025 by iamachristian.org,Inc All rights reserved.
