1Keimami sa vakavinavinaka vei kemuni, na Kalou,
Io, keimami sa vakavinavinakataki kemuni!
Keimami sa tusanaka tikoga na nomuni cecere
Ka tukuna voli na veika veivakurabuitaki o ni sa cakava.
2A sa kaya na Kalou, “Au sa lokuca oti e dua na gauna ni veilewai,
Ka'u na lewa vakadodonu ka savasava.
3E dina ga ni ra dau rere na veika bula kecega
Ka dau yavavala na dela i vuravura,
Au na vakadeitaka ga na kena yavu me taucoko ka kaukauwa.
4Au na tukuna vei ira na dokadoka me ra kua ni dokadoka,
Ka kaya vei ira na i valavala ca me ra kua ni viavialevu.
5Au na kaya vei ira me ra muduka na nodra dau tukutukuni ira.”
6Sa sega ni lako mai na lewa mai na tokalau se mai na ra,
Se mai na vualiku se mai na ceva.
7Sa turaganilewa ga o koya na daunilewa, na Kalou,
Ni sa totogitaka eso na kisi ka talaca eso tale.
8Sa taura tu e dua na bilo o Jiova e ligana,
Ka sa sinai tu ena waini kaukauwa ni nona cudru.
Sa sova yani o koya, ka ra sa gunuva na tamata ca kecega;
Era sa gunuva ka vakamacara vakadua.
9Ia, ka'u na sega ga ni cegu na tukuna voli na Kalou i Jekope,
Se laga sere ni vakacaucautaki koya.
10Ena vakamalumalutaka o koya na nodra kaukauwa na tamata ca,
Ia, ena vakalevutaki cake ga na nodra kaukauwa na yalododonu.
Na Kalou i Isireli - O koya sa Qaqa ka LewaVua na i liuliu: kei na i yaya ni vakatagi vaka-wa. A Same i Esava. A Sere.
Who We AreWhat We EelieveWhat We Do
2025 by iamachristian.org,Inc All rights reserved.
