1 Lako 23.16 Au sa lesu tale i vale vei Ana na watiqu kei Tobia na luvequ, sa vakarautaki sara e na siga ni Penitiko, na solevu tabu ni vitu na macawa, na kequ iwaraki, au mani dabe meu kana.
2Noqu raica na levu ni kakana, au a kaya vei luvequ, “Luvequ, lai vaqara e dua na wekadaru Jiu e tiko tani e na vakaloloma e ke, e dua e dau doka na lewa ni Kalou. Kauti koya mai medatou kanavata ni solevu. Nio lesu mai, au na qai kana.”
Na laba mai Ninive3Suka mai, sa kaya, “Tamaqu, sa kidomoki e dua na kainoda, qai kolotaki tu e na makete.”
4Au sa mani tucake au biuta tu na kequ, au lai maroroya na yagona e vanua rurugu me yacova ni dromu na siga.
5Tiko 19.11-13Noqu lesu mai, au vuluvulu, au mani kana e na dela ni rarawa.
6Emo 8.10Au qai nanuma na parofisai nei Emosi ni a kaya, “Sana vuki na nomudou soqo ni marau me somate, nomudou veimarautaki me veitagicaki.” Au sa qai tagi.
7Sa dromu na siga, au lai keli ibulubulu qai buluta na yagonimate.
8Era dredrevaki yau na tu e kea, era kaya, “Sa sega ni rerevaka na mate e na nona cakava na ka qo; sa dro oti mada ga, qo sa baci veibulu tiko.”
Mataboko o Tobita9E na bogi tiko ga ya niu lesu mai na veibulu, au a moce e yasa ni bai ni vale, niu se tawasavasava. A sega ni ubi na mataqu.
10Au sega ni kila nira ro toka na siparo e dela ni bai, qai tauca na mataqu na dedra katakata, au mani mataseila kina. Au lai raici vakavica vakavuniwai. Ia na wai era vagunuvi yau kina e kuria ga na ca ni mataqu, me yacova niu sa qai mataboko sara. Yabaki va noqu sega sara tu ga ni rai. Era lomaleqataki yau vakalevu na wekaqu. A mani qaravi yau yabaki rua o Ahikari me yacova ni sa lako i Elimaisi.
Veileti vakavuvale11Sa qai rawa ilavo o Ana na watiqu e na tali isulu me vaka ga e levu na marama.
12E dau kauta yani na isulu qai saumi vakailavo. E dua ga na siga ni vulaitubutubu, sa kotiva na isulu sa tali oti e na kena misini, qai kauta vei iratou na otataka. Eratou solia vua na kena isau taucoko vakailavo kei na dua na luvenime.
13Nona lesu tale mai vei yau, sa qai tagitagi na luvenime. Au mani kaya vua, “O kauta mai vei na luvenime? E sega ni butakoci? Vakasuka vei ira na kena itaukei, ni sega ni dodonu meda kania na ka butakoci.”
14A kaya, “A lolomataki vei yau me ikuri ni kequ isau.” Ia au sega ni vakabauti koya, au tukuna vua me vakasuka vei ira na kena itaukei; au madua vakalevu e na vukuna. A mani kaya vei yau, “Maumau nomu dodo liga kei na itovo vinaka. Levu ga na vakilakila!”
Who We AreWhat We EelieveWhat We Do
2025 by iamachristian.org,Inc All rights reserved.
