1Ni sa oti na solevu, era sa lako yani na Isireli ki na veikoro e Juta ka ra vorovorolaka na duru vatu, ka vakacacana na i vakatakarakara kece ni kalou yalewa o Asera, ka talaraka sobu na veivanua ni qaravi kalou tani kei na kedra i cabocabonisoro. Era a vakayacora talega na ka oqo ena veiyasana kecega e Juta, kei na nodra i tikotiko na Penijamini, na Ifereimi, kei na Manasa; era sa qai lesu ki na nodra veivale.
Na Veisolisoli ni Sokalou2A tekivutaka tale o Esekaia na kena wasewasei na nodra i tavi vakacakacaka na matabete kei ira na Livai, ena vuku ni nodra i tavi. E okati kina na kena cabori na i soro kama kei na i soro ni veivinakati, na i tavi ena gauna ni sokalou ena vale tabu, kei na i tavi ni lagalaga sere kei na vakavinavinaka ena veitikina eso ena Valenisoro.
3Tiko 28.1–29.39A wasea vakatikitiki na tui e dua na i wase ni veika a taukena me i soro kama ka dau vakacabori ena veimataka kei na veiyakavi, kei na i soro kama ena Siga ni Vakacecegu, ena Solevu ni Vula Vou, kei na veisolevu tabu a lokuci me vaka sa volai ena Lawa i Jiova.
4 Tiko 18.12,13,21 A vakarota talega o koya vei ira na tamata era tiko mai Jerusalemi, me ra solia na kedra i votavota na bete kei ira na Livai, me rawa ni ra soli ira tikoga ena vunau i Jiova.
5Ia ena gauna a kilai kina ena veivanua na i vakaro, era a solia vakayauyau mai na Isireli; na i sevu ni sila, na waini, na waiwai, na de ni oni, kei na vua ni qele kecega mai na veiwere; e ra a kauta vakalevu mai na i katini ni ka kecega.
6Ia era a kauta talega mai na Isireli, kei ira na Juta ka ra tiko ena veikoro kei Juta, na i katini ni bulumakau kei na sipi, kei na veika tabu a vakatabui me nei Jiova na nodra Kalou, ka ra binia vata ena i binibini.
7Ena i katolu ni vula era a tekivu binia cake na i binibini ka vakacavara ena i kavitu ni vula.
8Ia ni sa raica o Esekaia na tui kei ira na nona i vakalesilesi na levu ni ka sa soli oqo, era sa vakavinavinaka vei Jiova ka vakakina vei ira na nona tamata na Isireli.
9A qai tarogi ira na bete kei ira na Livai o Esekaia ena vuku ni binibini.
10A vosa vua o Asaraia na bete levu mai na mataqali i Setoki, ka kaya, Mai na siga sa vakatekivu me ra kauta mai kina na tamata na nodra i solisoli ki na Valenisoro, keimami sa kana ka mamau, ka sa levu tale tu na kena vo. Sa yaco vei keimami na veika oqo baleta ni sa vakalougatataki ira na nona tamata o Jiova.
11E a qai vakaroti ira o Esekaia me ra vakarautaka eso na rumu ni maroroi yaya ena Valenisoro; ka ra sa vakarautaka vakakina.
12Era sa qai kauta mai ena yalodina na nodra i solisoli, na nodra i katini, kei na ka ni loloma sa vakatabui me nei Jiova. A sa lesi o Konanaia, e dua na Livai, me liutaka na cakacaka oqo ka nona i vukevuke o Semaia na tacina.
13Sa lesi e lewe tini na Livai me cakacaka ena ruku ni nodrau vakatulewa: o Konanaia kei Semeai na tacina o Jieli, o Asasaia, o Neaca, o Asaeli, o Jirimoci, o Josapati, o Ilieli, o Isimakana, o Meaci kei Penaia. A veika kece oqo sa caka ena vakatulewa i Esekaia na tui kei Asaraia na Bete Levu.
14O Kore na luve i Imina, e dua na Livai ka i vakatawa ni Matamata ki na Tokalau ni Valenisoro, a sa lesi me liutaka na cakacaka ni kena maroroi kei na kena veivotayaki na veisolisoli sa cabori vei Jiova.
15Mai na veikoro tale eso ka tiko kina na bete, sa dau vukei o Kore ena cakacaka oqo mai vei ira na Livai: o Iteni, o Miniamini, o Jesua, o Semaia, o Amaraia, kei Sekonaia. Era sa veivotayaka vakatautauvata na kakana vei ira na vo ni Livai me vaka na nodra i tavi,
16ka sega ni votai vakamataqali. Era sa solia na i votavota vei ira kece na gonetagane sa volai ena i vola ni kawa bula me tekivu mai na yabaki tolu ka lako cake, o ira kecega era rawa ni curu ki na Valenisoro me qarava na nodra i tavi ena veisiga, me vaka na nodra i lesilesi kei na i wasewase.
17Na i lesilesi vei ira na bete sa vakatautaki ki na nodra dui mataqali se vuvale, ka sa soli na nodra i tavi na Livai me ra cakacaka vakaiwasewase lalai.
18Era a volai vata na bete kei ira na luvedra lalai, kei ira na watidra, na luvedra tagane, na luvedra yalewa, vei ira na lewe ni soqosoqo taucoko; ni ra a yalodina me ra qarauni ira me ra savasava.
19Ia vei ira na luve i Eroni, o ira na bete ka ra tiko ena veiwere, ena vanua veico, era taukena na nodra veikoro; era a tiko na tamata a cavuti yadua na yacadra, me ra solia na i votavota vei ira na tagane kece ena vuvale vakabete, vei ira talega na Livai era a okati ena nodra yavusa.
20A cakava vakaoqo o Esekaia ki na veivanua kece e Juta, a cakava na ka vinaka ka dodonu, kei na ka dina ena mata i Jiova na nona Kalou.
21Ia na veicakacaka kece a tekivuna o koya ena kena qaravi na Vale ni Kalou, a muria na i vunau kei na i vakaro, me qarava kina na nona Kalou a dau cakava ena yalona taucoko, ka toro cake sara kina na nona veiliutaki.
Who We AreWhat We EelieveWhat We Do
2025 by iamachristian.org,Inc All rights reserved.
