1 Roma 4.7,8 Sa kalougata na tamata sa bokoci na nona i valavala ca,
Ka sa buluti na nona caka cala.
2Sa kalougata na tamata
sa sega ni beitaki koya o Jiova me i valavala ca,
Ka sa galala mai na veivakaisini kecega.
3Ni'u a sega ni vakatusa na noqu i valavala ca,
Au sa malumalumu mai ena tagi ena siga kei na bogi.
4Ena siga kei na bogi o ni sa totogitaki au kina;
Sa takali yani na noqu kaukauwa
Me vaka na mamaca ni tegu ena vula i katakata.
5Ia, au sa qai vakatusa vei kemuni na noqu i valavala ca,
Ka'u sega ni vunia na noqu caka cala.
Au sa nakita me'u vakatusa vei kemuni,
O ni sa qai bokoca kece sara na noqu i valavala ca.
6Sa dodonu kina me ra dau masuti kemuni kina
o ira na nomuni tamata yalodina ena gauna ni leqa.
Ni yaco mai e dua na waluvu levu
ena sega ga ni yacovi ira.
7Sa i kemuni na noqu i vunivuni;
O ni na vakabulai au mai na leqa.
Au na seretaka vakadomoilevu na nomuni veivakabulai
Baleta ni o ni sa taqomaki au.
8A sa kaya o Jiova,
“Au na vakavulici iko ena sala e dodonu mo lako kina;
Ka'u na vakaroti iko ka vakasalataki iko.
9Kakua ni tawa vuku me vaka na ose se na meuli
Sa dau tarovi ena wa ni kena i tarovi ena gusuna,
Me talairawarawa kina vei iko.”
10E sotava na ka rarawa na tamata ca,
Ia o ira era vakadinati Jiova
Era sa taqomaki ena loloma tudei.
11Ni reki ka marau vei Jiova oi kemuni kece na yalododonu
Ena vuku ni veika sa cakava o koya!
Ni kaila ena marau oi kemuni kece sa talairawarawa vua.
Who We AreWhat We EelieveWhat We Do
2025 by iamachristian.org,Inc All rights reserved.
