Same 46 - Vakavakadewa Vou kei na iVola tale eso（FNVDC12）

1Sa noda i vakavakaruru ka vu ni noda kaukauwa na Kalou,

Ka sa dau tu voleka tu ga me veivuke ena veigauna ni leqa.

2O koya oqo eda na sega kina ni rere,

Ka veitalia ga ke sa uneune na vuravura,

Ka lutu dromu yani na veiulunivanua ki na veiloma ni wasa liwa titobu;

3Ena veitalia talega kevaka sa vadugu ka seuseua na wasawasa,

Se sa yavala sara vakaukauwa na veidelana.

4Sa dua na uciwai sa kauta mai na marau ki na nona koro na Kalou,

Ki na nona vale tabu na Kalou sa Cecere Sara.

5Sa tiko na Kalou ena loma ni koro o ya,

Ka na sega sara kina ni vakarusai;

Ena sou vakamataka na Kalou me la'ki veivuke.

6Era sa vakarerei na veimatanitu ka yavalati na veivanua;

Sa vosa mai na Kalou ka sa waicala na vuravura.

7Sa tiko kei keda o Jiova ni lewevuqa;

Sa nodra i drodro na Kalou i Jekope.

8Ni lako mai ka raica na ka sa cakava o Jiova.

Ni mai raica mada na veika veivakurabuitaki

sa cakava e vuravura o koya.

9Sa muduka o koya na i valu e vuravura taucoko

Sa musulaka na dakaititi, vakarusa na moto

Ka vakama na i sasabai ena buka.

10A sa kaya o koya,

“Ni muduka na nomuni veivaluvaluti ka kila ni sai au ga na Kalou,

Ka'u sa qaqa ena kedra maliwa na veimatanitu

Ka qaqa e vuravura taucoko.”

11Sa tiko vata ga kei keda o Jiova ni lewevuqa

Sa noda i drodro na Kalou i Jekope.

Na Lewa ni Kalou ena Veimatanitu

Vua na i liuliu ni sere. A nodra Same na luve i Kora.