1O Tobita sa qai kacivi luvena o Tobia, a kaya, “Na luvequ, sauma na nomu lewenisala, kei na dua na kena ikuri.”
2A sauma, “Tamaqu, e sega ni ca vei yau meu solia vua na veimama ni yau au kauta mai,
3ni a vakasukai yau bula mai vei kemuni, vakabulai watiqu, rawata mai na ilavo, vakabulai kemuni tale ga.”
4A kaya na qase, “Sa rauti koya vinaka.”
5Sa mani kaciva na yagilosi, a kaya, “Taura na veimama ni iyau kece odrau kauta mai.”
6Sa qai kacivi rau lo na yagilosi, a kaya, “Drau vakacaucautaka na Kalou, drau vakamuduo vua; drau vakacerecerei koya, drau vakavinavinakataka vua e matadra kece na bula na ka sa cakava vei kemudrau. E vinaka meda vakacaucautaka na Kalou, da vakacerecerea na yacana, da sakitaka na nona cakacaka. Drau gumatua na vakavinavinaka vua.
7E vinaka na galuvaka na ka vuni ni tui, ia na cakacaka ni Kalou me tusanaki e na yalosavasava. Drau caka vinaka, e na sega ni rawati kemudrau na ca.
8Sr 29.8-13E vinaka na masu ni salavata kei na lolo, na soli vei ira na dravudravua, kei na yalododonu. E vinaka ni lailai na iyau salavata kei na yalododonu, ca ni levu salavata kei na ivalavalaca. E vinaka na soli vei ira na dravudravua, ca na kumuni koula,
9Vbale 11.4; Sr 4.27; Sr 3.30ni soli vei ira na dravudravua e sereki kina na ivau ni mate, e savai kina na ivalavalaca kece. O koya e dau loloma dau yalododonu, e na maucokona na nona bula,
10o koya e dauvalavalaca, e kena meca levu ga.
11“Au na sega ni vunitaka e dua na ka vei kemudrau. Au sa kaya, ‘E vinaka na galuvaka na ka vuni ni tui, ia na cakacaka ni Kalou me tusanaki e na yalosavasava’.
12Jope 33.23,24; Caka 10.4; Vteki 8.3,4Nomudrau masu tiko gona kei Sera na vugomu, au a laveta nomudrau masu vua na Tabu Sara; o dau veibulu, au a tu tale ga e yasamu.
13O a tucake sara, biuta na kemu mo lai veibulu, au a sega ni raisivita na nomu itovo vinaka, au a tomani iko ga.
14Sa talai yau mai kina qo na Kalou meu vakabulai kemudrau kei Sera na vugomu.
15Saka 4.10; Luke 1.19; Vtaki 8.2O yau o Rafaele, e dua vei iratou na yagilosi tabu e le vitu keitou dau cabera nodra masu na yalododonu, keitou dau torotorova na iserau ni Le Dua Savasava.”
16Erau sa kidroa vakalevu, rau davoraki rau e na levu ni rere.
17Ia a kaya vei rau, “Drau kua ni rere, odrau na sega ni leqa. Modrau vakacaucautaka tawamudu ga na Kalou.
18E sega ni noqu lewa meu lako mai, na lewa ni noda Kalou. Koya gona modrau vakacaucautaki koya tawamudu.
19E na veisiga kece qo au a rairai wale tiko ga vei kemudrau, au sega ni kana se gunu, drau a raici yau tiko ga vaka na raivotu.
20Modrau vakamuduo qo vua na Kalou, niu sa cabe tale vei koya a talai yau mai. Vakaivolataka na veika sa yaco.”
21Erau sa qai duri, sa yali tale.
22Sa qai wewe ni gusudrau na cakacaka lelevu talei ni Kalou, rau vakadinadinataka ni sa rairai vei rau na yagilosi ni Turaga.
Who We AreWhat We EelieveWhat We Do
2025 by iamachristian.org,Inc All rights reserved.
