2 Veigauna 4 - Vakavakadewa Vou kei na iVola tale eso（FNVDC12）

Na i Yaya ni Vale ni Kalou(1Tui 7.23-51)

1

9A cakava o koya e dua na nodra lomanibai tabu na bete, kei na dua na rara vakabai levu, kei na i sogo ni lomanibai, ka boroya na katuba eso ena parasa.

10A vakatikora na taqe levu ena yasa i matau ni vale vaka ki na tokalau cevaceva.

11A bulia talega o Urami eso na kuro, na i sivi ni dravusa, kei na beseni. A vakaotia o koya na veicakacaka kecega a cakava ena vale ni Kalou ena vuku i Solomoni na tui.

12A rua na duru, kei na veika mokimokiti ena domodomo a tu ena deladrau na duru ruarua; kei na rua na lawalawa me ubia na ka mokimokiti ena domodomo ena dela ni duru;

13na 400 na i vakatakarakara ni vua ni pomekaraneti ena lawa tali ruarua, me ubia na i ukuuku mokimokiti e rua ka toka e deladrau na duru.

14A sa cakava talega na i tutu eso, ka vakadabera na tani ena kedratou i tutu;

15e dua na tani levu kei na tinikarua na bulumakau e rukuna.

16Na kuro, na i sivi ni dravusa, na i cula ni lewe ni manumanu, kei na veiyaya kecega oqori, a cakava o Urami mai na parasa solo vakavinaka ena vale i Jiova ena vuku i Solomoni na tui.

17A cakava na veika kece oqo na tui ena buca mai Joritani, ena vanua tete ena kedrau veimama o Sukoci kei Serata.

18A veika kece sa cakava o Solomoni sa ka levu sara, ka sega e dua me vakarautaka rawa na levu ni parasa e vakayagataki.

19A cakava o Solomoni na veiyaya kece sa tu ena vale ni Kalou: na i cabocabonisoro koula, na teveli sa tu kina na madrai dauraici,

20na cina kei na kedra i tutu koula dina me la'ki caudre me vaka na kena i tuvatuva ena mata ni Tikina Tabu Sara;

21kei na senikau eso, na cina, na i saga ni buka buli ena koula talei;

22kei na i koti ni vauvau ni cina, na beseni, na i taki, na miqa ni ka boi vinaka buli ena koula dina, ka vakakina na idi ni katuba ni Tikina Tabu Sara kei na idi ni katuba levu ni Valenisoro.