Same 60 - Vakavakadewa Vou kei na iVola tale eso（FNVDC12）

A Masu ni Qaqa ni Oti na DrukaVua na i liuliu; me vaka na i lagalaga ni “Na Viavia ni Veiyalayalati.” A Mikitami i Tevita, me i vakavuvuli; ni sa kabai o Arami Naraimi (Mesopotemia) kei Arami Soba (Siriasopa), ni sa lesu mai o Joape ka vakamatei ira na kai Itomi era lewe tinikarua na udolu ena Buca ni Masima.

1O ni sa biuti keimami na Kalou, ka vakadrukai keimami.

O ni a cudruvi keimami, ia oqo, ni gole mai vei keimami!

2O ni vakavuna me uneune na vanua, o ni qai sea rua;

Ia oqo mo ni sema vata tale baleta ni sa voleka ni kavida rua.

3O ni sa vakavuna me ra vakaloloma na nomuni tamata;

Ka keimami sa taceba wavoki ga me vaka na mateni.

4O ni sa vakasalataki ira oti era sa rerevaki kemuni,

Me rawa ni ra dro tani kina mai na veivakacacani.

5Ni vakabulai keimami ena nomuni kaukauwa;

Ni sauma mai na neimami masu,

Me ra sereki rawa kina na tamata o ni sa lomana.

6A sa kaya na Kalou ena nona vale tabu,

“Au na wasei Sikemi ena reki ni qaqa,

Ka wasea na buca o Sukoci vei ira na noqu tamata.

7Sa noqu o Kiliati ka vakakina o Manasa;

Sa noqu i sala kaukauwa o Ifereimi,

Ka sa noqu i titoko vakatui o Juta.

8Ia, au na vakayagataki Moapi me noqu beseni ni vuluvulu,

Kei Itomi, au na viritaka vua na noqu i vava,

Me i vakatakilakila ni sa noqu o koya.

E nanuma beka o Filisitia me na kaila ena qaqa vei au?”

9Kemuni na Kalou, o cei ena kauti au ki na lomanikoro vakabai?

O cei ena kauti au ki Itomi?

10Kemuni na Kalou, o ni sa biuti keimami dina li?

O ni na sega beka ni tayabe vata yani kei na neimami mataivalu?

11Ni vukei keimami ena neimami valuti ira na meca

Ni sa sega ni yaga na veivuke vakatamata!

12Ni sa tovata kei keda na Kalou, ena noda ga kina na qaqa;

Ena vakadrukai ira na keda meca o koya.

Vakataudeitaki Nona Veimaroroi na Kalou

Vua na i liuliu: kei na i yaya ni vakatagi vaka-wa. A nei Tevita.