1Kemuni na Kalou, ni yalovinaka, ni vakabulai au!
Ni totolo mai, i Jiova, ka mai vukei au!
2Me ra na vakadrukai ka veilecayaki
O ira era saga me ra vakamatei au!
Me ra na vakasukai lesu tale ka vakamaduataki
O ira era marau ena vuku ni noqu leqa!
3Me ra na taqaya sara ena nodra druka
O ira era vakalialiai au!
4Me ra na marau ga ka reki
O ira kece era lako mai vei kemuni!
Me ra na dau kaya tikoga o ira
era vinakata na nomuni veivakabulai,
“Sa cecere dina ga na Kalou!”
5Ia oi au, au sa malumalumu ga ka dravudravua;
Ni lako vakusakusa mai vei au, na Kalou.
Sa i kemuni o ni sa dauvukei au ka noqu i vakabula;
I Jiova, mo ni kua ni vakaberabera mai.
Who We AreWhat We EelieveWhat We Do
2025 by iamachristian.org,Inc All rights reserved.
