Same 136 - Vakavakadewa Vou kei na iVola tale eso（FNVDC12）

A Sere ni Vakavinavinaka

1Ni vakavinavinaka vei Jiova, ni sa yalovinaka o koya;

Ka sa sega ni mudu na nona loloma tudei.

2Ni vakavinavinaka vua na nodra Kalou na veikalou,

Ni sa sega ni mudu na nona loloma tudei.

3Ni vakavinavinaka vua na nodra Turaga na veituraga;

Ni sa sega ni mudu na nona loloma tudei.

4Sa i koya duadua ga sa kitaka na cakacaka mana lelevu;

Ni sa sega ni mudu na nona loloma tudei.

5Sa bulia na lomalagi o koya ena nona yalomatua,

Ni sa sega ni mudu na nona loloma tudei.

6Sa bulia na vuravura ena wasa titobu,

Ni sa sega ni yalani na nona loloma tudei.

7Sa bulia na matanisiga kei na vula o koya;

Ni sa sega ni mudu na nona loloma tudei.

8Na matanisiga me lewa na siga;

Ni sa sega ni mudu na nona loloma tudei.

9Na vula kei na veikalokalo me lewa na bogi;

Ni sa sega ni mudu na nona loloma tudei.

10Sa vakamatea o koya na nodra ulumatua tagane na kai Ijipita,

Ni sa sega ni mudu na nona loloma tudei.

11Sa kauti ira tani mai na Isireli mai Ijipita,

Ni sa sega ni mudu na nona loloma tudei.

12Ena ligana kaukauwa, ena ligana qaqa;

Ni sa sega ni mudu na nona loloma tudei.

13Sa wasea rua o koya na wai ena Wasa Damudamu;

Ni sa sega ni mudu na nona loloma tudei.

14A sa liutaki ira yani kina na nona tamata o koya;

Ni sa sega ni mudu na nona loloma tudei.

15A sa luvuci tui Ijipita kei na nona mataivalu o koya,

Ni sa sega ni mudu na nona loloma tudei.

16Sa liutaki ira yani na nona tamata ena vanua dravuisiga o koya,

Ni sa sega ni mudu na nona loloma tudei.

17Sa vakamatei ira na tui qaqa o koya,

Ni sa sega ni mudu na nona loloma tudei.

18Sa vakamatei ira na tui rogo o koya;

Ni sa sega ni mudu na nona loloma tudei.

19O Sioni na nodra tui na Amoraiti,

Ni sa sega ni mudu na nona loloma tudei,

20Kei Oki na tui Pasani,

Ni sa sega ni mudu na nona loloma tudei.

21A sa solia na nodra vanua o koya vei ira na nona tamata;

Ni sa sega ni mudu na nona loloma tudei.

22Sa solia vei Isireli na nona dauveiqaravi o koya,

Ni sa sega ni mudu na nona loloma tudei.

23A sega ni guilecavi keda o koya ni da a vakaloloma tu;

Ni sa sega ni mudu na nona loloma tudei.

24Sa vagalalataki keda mai vei ira na keda meca,

Ni sa sega ni mudu na nona loloma tudei.

25Sa i koya sa solia na kedra na tamata kei na manumanu kecega;

Ni sa sega ni mudu na nona loloma tudei.

26Ni vakavinavinaka vua na Kalou ni lomalagi,

Ni sa sega ni mudu na nona loloma tudei.