1Erau sa yaco i Ekevatana, sa kaya o Tobia, “Asaria na taciqu, daru lako sara vei Rakueli.” Rau sa veikau sara, rau yaco yani sa dabe toka o Rakueli e yasa ni matamata ni vale. Rau vakabula sara, sauma o Rakueli. “Drau matavinaka mai na wekaqu.” Ratou sa curu sara i vale.
2A qai kaya o Rakueli vei Etenā na watina, “Na cauravou qo sa ucuya dina na tavalequ o Tobita!”
3Sa qai tarogi rau o Rakueli, “O kemudrau mai vei na wekaqu?” Erau sauma, “O keirau na kawa i Navitalai keimami bobula tu e Ninive.”
4Sa mani tarogi rau, “Drau kila na weka i keitou o Tobita?” Erau kaya, “Io, keirau kilai koya.” A tarogi rau, “E bula vinaka tiko?”
5Erau sauma, “E bula vinaka tiko.” Sa qai tukuna o Tobia, “O koya na tamaqu.”
6Vteki 33.4; 45.14; Luke 15.20Sa tu sara o Rakueli, reguci koya, qai tagi.
7Sa vakalougatataki koya, a kaya, “Isa! na luve ni tamata vakaturaga ya!” Ni sa rogoca ni sa mataboko o Tobita, sa luvuci e na rarawa, sa tagi sara.
8Erau tagi tale ga o Etenā na watina kei Sera na luvena.
9Eratou ciqomi rau e na marau levu, e moku e dua na tamanisipi, qai bini e matadrau na kakana.
Rau sa sili oti na vulagi, saratou vakarau kana, sa qai kaya o Tobia vei Rafaele, “Na wekaqu Asaria, o na kerea e naica vei Rakueli me keirau veiwatini kei Sera?” Sa rogorivata o Rakueli na taro qo, a kaya vei Tobia, “Kana mada, gunu, marau,
10ni sa nomu dodonu mo vakamautaki luvequ, sega tale ni dua. Ia meu tukuna mada na ka dina.
11Au sa solia oti na luvequ vei iratou e lewe vitu na tagane, ia niratou sa dui lako vua, eratou dui mate e na bogi. Ia mo se marau mada.” A kaya o Tobia, “Au na sega ni kana e ke me yacova ni sa mau na nodaru veiyalayalati”.
12Sa mani kaya o Rakueli, “Tauri koya sara ga qo, me vaka na kena ivakarau. Drau mataveiwatini, sa watimu o koya. Na Kalou ni lomalagi me maroroi kemudrau vakavinaka, me dau lomani kemudrau tu ga.”
Na solevu ni vakamau13Sa qai kacivi Sera na luvena, taura na ligana, solia vei Tobia me watina, kaya, “Qo o koya; tauri koya me vaka na lawa i Mosese, kauti koya vei tamamu.” Sa qai vakalougatataki rau.
14Sa qai kacivi Etenā na watina, taura e dua na ivola vivigi, vola kina na veiyalayalati, rau qai tukisitabataka.
15Eratou sa qai kana.
16Sa kacivi Etenā na watina o Rakueli, kaya vua, “Lewa, vakarautaka na rumu adua, kauti Sera kina.”
17A vakayacora vaka kina, kauti koya i loma; sa qai tagi na goneyalewa. A vakadulai luvena o tinana, “Mo yaloqaqa na luvequ; na Turaga ni lomalagi kei vuravura me na solia na marau me isosomi ni nomu rarawa qo. Mo yaloqaqa na luvequ.”
Who We AreWhat We EelieveWhat We Do
2025 by iamachristian.org,Inc All rights reserved.
