1 Maciu 27.46; Mari 15.34 Noqu Kalou, Noqu Kalou, a cava o ni sa biuti au kina?
Au sa tagica vakalevu sara na nomuni veivuke,
Ia, o ni sa sega ga ni rogoci au mai!
2Au a masu vei kemuni na noqu Kalou ena siga,
Ia, o ni sa sega ga ni sauma mai;
Au a masu ena bogi,
Ka'u a sega ga ni kunea e dua na vakacegu.
3Ia, o ni sa vakatikori me vaka na Le Dua Yalo Savasava,
O koya era sa dau vakacaucautaka na Isireli.
4O ira na neimami qase era sa vakadinati kemuni;
Era a vakararavi vei kemuni, ia o ni a vakabulai ira.
5Era sa masu vei kemuni ka dro tani mai na leqa;
Era sa vakadinati kemuni ka ra sa sega ni vakamaduataki.
6Ia, au sa qai sega tale ni tamata, a bacaniqele ga,
Ka'u sa beci ka vakasewasewani mai na lewe vuqa!
7 Maciu 27.39; Mari 15.29; Luke 23.35 O ira kece era raici au era sa vakalialiai au,
Era sa vakavevea na gusudra ka kuretaka na uludra.
8 Maciu 27.43 Era a kaya, “O sa dau vakararavi vua na Kalou,
A cava ga e sega ni vakabulai iko kina o koya?
Kevaka e vinakati iko na Kalou,
Na cava ga e sega ni vukei iko kina?”
9Sa i kemuni ga o ni a vakabulai au mai na gauna ni noqu sucu,
O ni a taqomaki au talega ena gauna ni noqu gone lailai.
10Au a dau vakararavi tikoga vei kemuni me tekivu sara mai na gauna au a sucu kina,
Ka o ni sa noqu Kalou tikoga me tekivu sara ni'u a sa qai sucu mai.
11Ni kakua ni yawa tani mai vei au.
Sa tu voleka sara na leqa,
Ka sa sega ni dua me veivuke.
12Sa lewe vuqa sara na meca era wavokiti au
ka ra vaka na bulumakau tagane;
Era sa wavokiti au kece,
ka ra sa vaka na bulumakau tagane rerevaki ni Pasani.
13Era sa dolava na gusudra vei au
Na laione dautagi ka dauveidresulaki.
14Sa takali na noqu kaukauwa;
Sa takali me vaka na wai sa tasova ki na qele.
Sa mavule kecega na i sema ni suiqu,
Ka sa waicala na utoqu e lomaqu.
15Sa mamaca na noqu kaukauwa me vaka na kuvu ni soso,
Ka sa kabi na yamequ ki na gadroqu.
O ni sa laivi au me'u mate ena soso.
16Era sa wavokiti au e dua na i lala tamata ca;
Era sa toro volekati au me vaka e dua na i lala koli,
Ka ra sa katia na ligaqu kei na yavaqu.
17Sa rawa me laurai kece na suiqu.
Era sa vakaraici au ka wanonovi au na kequ meca;
18 Maciu 27.35; Mari 15.24; Luke 23.34; Joni 19.24 Era sa wasea ga vei ira na noqu i sulu,
Ka vakawirimadigitaka na noqu i ubi balavu.
19Kemuni Jiova ni kakua ni yawa tani mai vei au.
Ni totolo mai vei au na noqu i vakabula ka mai vakabulai au.
20Ni vakabulai au mai na i seleiwau,
Ni maroroya na noqu bula mai vei ira na koli o ya.
21Ni vakabulai au mai vei ira na laione o ya;
Au sa sega ni cakava rawa e dua na ka
ena matadra na bulumakau kila o ya.
22 Ipe 2.12 Au na tukuna vei ira na wekaqu na ka o ni sa cakava,
Ka'u na vakacaucautaki kemuni ena nodra soqoni.
23“Oi kemuni sa rerevaki Jiova, ni vakacaucautaki koya!
Ni rokovi koya, oi kemuni na kawa i Jekope!
Ni sokalou vua, oi kemuni na Isireli!
24Sa sega ni dau guilecavi ira na dravudravua o koya
se vakawaletaka na nodra vakararawataki;
Sa sega ni dau vuki tani mai vei ira o koya,
Ia, sa dau rogoci ira ga ni ra sa kere veivuke vua.”
25Au na vakacaucautaki kemuni vei ira na i vavakoso levu
ena vuku ni veika o ni sa vakayacora.
Au na vakacabora vei kemuni na i soro kece au sa yalataka
Ena matadra kece era sa dau talairawarawa vei kemuni.
26Era na kania na dravudravua na levu ga ni ka era via kania.
O ira era lako mai vei Jiova era na vakacaucautaki koya.
Mo ni tiko vinaka tikoga ka tawa mudu.
27Na veimatanitu kece era na nanumi Jiova;
Era na gole mai vua na veiyasa i vuravura kecega,
Era na qaravi koya kecega na veimatatamata.
28Sa i Jiova na Tui,
Ka sa lewa na veimatanitu kecega.
29Era na cuva vua na tamata viavialevu kece sara,
O ira taucoko era na mate ga.
30Era na qaravi koya na veitabatamata e muri,
Era na dau tukuna na veika e baleta na Turaga
ki na veitabatamata era na muri mai.
31O ira na tamata era se bera ni sucu ena tukuni vei ira,
“Sa vakabulai ira na nona tamata na Turaga.”
Na i Vakatawa VakalouA Same i Tevita.
Who We AreWhat We EelieveWhat We Do
2025 by iamachristian.org,Inc All rights reserved.
