Tiko Voli mai na Lekutu 33 - Vakavakadewa Vou kei na iVola tale eso（FNVDC12）

Lakolako ni Isireli mai Ijipita ki Moapi

1Oqo na i tuvatuva ni nodra toso na Isireli, ni ra sa lako tani mai na vanua o Ijipita ena nodra veiyavusa, ena veiliutaki nei Mosese kei Eroni.

2A vola o Mosese na vanua kece sara era tekivu toso kina, ena kena veitaravi, me vaka na i vakaro i Jiova.

3Era a cavutu mai Ramisese ena i katini kalima ni siga ni matai ni vula. Ena mataka cake ni sa oti na Kanavata ni Lako Sivia, era sa lako tani yani na Isireli ena lagilagi e matadra kecega na kai Ijipita,

4ni ra a buluta tiko na nodra ulumatua kecega, ka samuta o Jiova. A vakatauca talega o Jiova na nona cudru vei ira na nodra kalou.

5Era sa cavutu mai Ramisese o ira na Isireli ka la'ki vakaitikotiko ki Sukoci.

6Era a biuti Sukoci, ka la'ki tiko ki Ecami, o ya ena yasa ni vanua lala.

7Era a biuti Ecami, ka lesu tale ki Pi Eiroci, ena tokalau kei Peali Sifoni, ka birika na nodra valelaca volekati Mikitoli.

8Era a biuta na vanua ka volekati Eiroci, ka lako e loma ni wasawasa, ka ra qai lako siga tolu ena loma ni vanua lala o Ecami, ka la'ki tiko ki Mara.

9Era a biuti Mara ka lako ki Elimi; na vanua ka tiko kina e tinikarua na mataniwai kei na vitusagavulu na vuni niusawa; ka ra mai vakaitikotiko e kea.

10Era a toki mai Elimi ka la'ki vakaitikotiko ena bati ni Wasa Damudamu.

11Ni ra sa biuta na Wasa Damudamu, era a la'ki tiko ena vanua lala o Sini.

12E a cavutu mai na vanua lala o Sini, ka la'ki tiko ki Tofika.

13Era a biuti Tofika, ka la'ki tiko ki Alusi.

14Era a toki mai Alusi, ka la'ki tiko mai Rifitimi, oqo na vanua ka sega kina na wai, me ra gunuva na tamata.

15Ia, ni ra a biuti Rifitimi, era a la'ki tiko ena vanua lala o Saineai.

16Era a qai biuta na vanua lala o Saineai, ka la'ki tiko mai Kipiroci Ateva.

17Era a biuti Kipiroci Ateva, ka la'ki tiko mai Eseroci.

18Era a biuti Eseroci, ka la'ki tiko mai Ricima.

19Era a toki Ricima, ka la'ki tiko mai Rimoni peresi.

20Era a biuti Rimoni peresi, ka la'ki tiko mai Lipina.

21Era a biuti Lipina, ka la'ki tiko mai Risa.

22Era a toki mai Risa, ka la'ki tiko mai Kielaca.

23Era a biuti Kielaca, ka la'ki tiko ena Ulunivanua o Seferi.

24Era a biuta na Ulunivanua o Seferi, ka la'ki tiko ki Arata.

25Era a biuti Arata, ka la'ki tiko mai Makeloci.

26Era a biuti Makeloci, ka la'ki tiko ki Teaci.

27Era a biuti Teaci, ka la'ki tiko mai Tara.

28Era a biuti Tara, ka la'ki tiko mai Micika.

29Era a biuti Micika, ka la'ki tiko mai Asimona.

30Era a toki mai Asimona, ka la'ki tiko e Moseroci.

31Era a biuti Moseroci, ka la'ki tiko mai Pinei Yeekani.

32Era a biuti Pinei Yeekani, ka lako ki Oriakitikati.

33Era a biuti Oriakitikati, ka la'ki tiko mai Jotipaci.

34Era a toki mai Jotipaci, ka la'ki tiko mai Apirona.

35Era a biuti Apirona, ka la'ki tiko mai Esioni Keperi.

36Era a qai biuti Esioni Keperi, ka la'ki tiko ena vanua lala o Sini, (o ya o Katesi.)

37Era a toki mai Katesi, ka la'ki tiko ena Ulunivanua o Ori, ena i yalayala ni vanua o Itomi.

38Ia a cabeta o Eroni na bete na Ulunivanua o Ori, ena i vakaro i Jiova, ka mate mai kea, ena i ka vasagavulu ni yabaki ni ra a lako tani mai na vanua o Ijipita o ira na Isireli, ena i matai ni siga ni kalima ni vula.

39A sa 123 na yabaki nei Eroni, ena gauna a mate kina ena Ulunivanua o Ori.

40Ia, na kai Kenani, na tui Arati, ka vakaitikotiko mai Neqevi ena ceva ni vanua o Kenani, a rogoca na nodra lako mai na Isireli.

41Era a biuta tale na Ulunivanua o Ori, ka la'ki tiko mai Salimona.

42Era a toki mai Salimona, ka la'ki tiko mai Pinoni.

43Era a toki mai Pinoni, ka la'ki tiko mai Opoci.

44Era a toki mai Opoci, ka la'ki tiko ki Iye Aparimi, ena vanua qali vei ira na Moapi.

45Era a biuti Iyimi, ka la'ki tiko mai Tiponi kata.

46Era a biuti Tiponi kata, ka la'ki tiko mai Alimoni Tipilaceimi.

47Era a toki mai Alimoni Tipilaceimi, ka la'ki tiko mai na veiulunivanua o Aparimi, volekati Nepo.

48Era a qai cavutu mai na veiulunivanua o Aparimi, ka la'ki vakaitikotiko ena veibuca ni vanua o Moapi, ena bati ni Joritani ka donui Jeriko;

49era a birika na nodra valelaca ena bati ni Joritani, me tekivu mai Peci Yisimoci ka yaco sara ki Epeli Sitimi ena veibuca ni vanua o Moapi.

Na i Vakaro ni Bera na Kosovi ni Joritani

50A qai vosa vei Mosese o Jiova ena veibuca ni vanua o Moapi, ena bati ni wai na Joritani, ka donui Jeriko, ka kaya,

51Mo vosa vei ira na Isireli, ka kaya, Ni o ni sa takosova na Joritani ka butuka yani na vanua o Kenani,

52mo ni vakasavi ira tani kecega mai na matamuni, na lewenivanua o ya; vakarusa kece sara na nodra veimatakau ceuti, ka vorolaka na nodra veimatakau sa buli ena ka e vakawaicalataki, ka vaqeyavutaka na nodra veitikina cecere;

53ia mo ni taukena na vanua o ya, ka vakaitikotiko kina, ni'u sa solia vei kemuni na vanua o ya mo ni taukena.

54Mo ni taukena na vanua ena sala ni vakawirimadigi me vaka na nomuni veimataqali; ki na mataqali levu, ni vakalevutaka na nodra i votavota, ia ki na mataqali lalai, ni vakalailaitaka sobu na nodra i votavota; na yasana ga sa bale kina na madigi vua e dua na tamata me sa nona; mo ni taukena me vaka na nodra veimataqali na nomuni qase.Tiko 26.54-56

55Ia kevaka o ni sa sega ni rawa ni vakasavi ira tani na kai Kenani mai na matamuni, ka vakalaivi ira me ra bula, era na vaka tiko na voto ni kau e matamuni, kei na kau vakavotona e seremuni, ka ra na vakaleqai kemuni tiko ena vanua o ni sa tiko kina.

56Ia, au na cakava vei kemuni na ka au a nakita me'u na vakayacora vei ira.