1Ra mate, sa gaga dina na kemu vakasama vei koya na vutuniyau e marautaka tu nona iyau,
vei koya e bula tu e na vakacegu sega ni leqataka e dua na ka, vei koya se tu vua na kaukaua me marautaka na kena!
2Ra mate, sa marautaki iko dina o koya e leqa tu, sa malumalumu;
vei koya sa qase, levu tu na ka e lomaleqataka; vei koya e yalodredre, sa sega nona yalovosota.
3Kua ni rerevaka na mate; nanuma na nomu gauna e liu kei na iotioti ni nomu bula,
ni qo na lewa ni Turaga vei ira kece na veikabula.
4E rawa vakacava mo cata na ka e vinaka vua na Cecere Sara?
Ke tini, dua na drau se mani dua na udolu na yabaki na dede ni nomu bula, e sega ni kauaitaki e Etesi.
Kalouca o koya na dau valavalaca5Na luvedra na dauvalavalaca era gone vakasisila; e nodra ilasalasa na vanua era soqo kina na tabulotu.
6E na yali na veika era taukena, era na madua tu ga na nodra kawa.
7Era na beitaki ira na tamadra, nira mai madua baleti ira.
8Kalouca o kemuni na tabulotu oni sa beca na lawa ni Kalou Cecere Sara!
9Nioni sucu, oni sucu vata kei na kena itotogi e veiganiti; vaka tale ga kina nioni mate.
10Na ka e vu mai na qele, e na suka tale kina; o ira gona na tabulotu era na kawaboko.
11Era lolosi na tamata e na nodra nanuma na yago ni tamata, ia na kedra irogorogo ca na dauvalavalaca e na tababokoci.
12Kauaitaka na kemu irogorogo, ni kena tudei e na levu cake mai na dua na udolu na iyau koula.
13Na balavu ni bula vinaka e lekaleka, ia na irogorogo vinaka e tudei tawamudu.
iTovo savasava14Na luvequ, rogoca na vuli, tiko vakamalua;
na cava na kedrau yaga na yalomatua vunitaki kei na iyau sega ni laurai?
15E vinaka cake na tamata e vunitaka nona lialia vei koya e vunitaka na nona yalomatua.
16Mo vakarorogo na luvequ, au na vakavulici iko baleta na gauna e dodonu kina mo madua.
E so na gauna e sega sara ga ni dodonu.
17Mo maduataka na ivalavala vakasisila e matadrau na tamamu kei tinamu; na lasu e mata ni tui se iliuliu;
18na cala e mata ni turaganilewa; na ivalavalaca e matadra na ivavakoso se na lewenivanua; na lawaki ca e mata ni nomu itokani se itau;
19kei na butako e na vanua o vakaitikotiko kina.
Mo maduataka na sega ni vakayacora na ka o sa yalataka; na ivakarau beci e na gauna ni kana; na matararawa e na solisoli se ciqociqo;
20na dau galu nio kidavaki;
na wadrava na yalewa e saqamua;
21na besetaka nona kerekere na wekamu;
na taura na kena ivotavota e dua; na wanonova na watina e dua tale;
22na wedeva na nona yalewa cakacaka - kua ni torova nona idavodavo;
na vosavosa ca vua nomu itau - na vosavosa nio sa solia oti na ka;
23na vakadewataka na ka o rogoca; kei na vakacila na ka vuni.
Qo na gauna dodonu mo madua kina, era na taleitaki iko kina na tamata kece.
Who We AreWhat We EelieveWhat We Do
2025 by iamachristian.org,Inc All rights reserved.
