1Kemuni na Kalou, au sa leqa tu, ni rogoca na noqu masu!
Ni vakabulai au mai na nodra veivakacacani na meca.
2Ni taqomaki au mai na nodra vere ca na tamata ca,
Kei na nodra i tovo kaukauwa na tamata i valavala ca.
3Era sa vagatara na yamedra me vaka na i seleiwau
Ka vakadodonutaka na nodra vosa me vaka na gasau ni dakaititi.
4Era sa vanataka mai na gasau ni dakaititi mai na nodra i vunivuni,
Era sa vana mai vakasauri ka sega ni rere.
5Era sa veivakayaloqaqataki vakai ira ena nodra vere ca
Ka veivosakitaka na vanua me na caka kina na nodra dai.
Era sa kaya, “Me kakua sara ni dua me raici keda.”
6Era sa bukia na vere ca ka kaya,
“Keimami sa nakita me cakava e dua na i tovo ca qaseqase sara.”
Sa ka veivakurabuitaki dina na yalodra kei na vakasama ni tamata!
7Ia sa vanai ira na Kalou ena nona gasau ni dakaititi,
Ka ra sa mavoa sara vakasauri.
8Ena vakarusai ira baleta na nodra vosa
O ira kece era na raici ira era na kuretaka na uludra.
9Era na rere taucoko sara,
Era na tukuna na ka sa cakava na Kalou,
Ka vakasamataka na veika sa cakava.
10Era na marau kece na tamata yalododonu
Baleta na ka sa cakava o Jiova,
Era na taqomaki kece mai vua;
Era na vakacaucautaki koya kece na tamata yalododonu.
Na Vakacaucau kei na VakavinavinakaVua na i liuliu ni sere. A Same i Tevita. A Sere.
Who We AreWhat We EelieveWhat We Do
2025 by iamachristian.org,Inc All rights reserved.
