1Au na vakacaucautaki kemuni Jiova ena yaloqu taucoko,
Ka'u na dau tukuna tikoga na nomuni cakacaka vinaka kecega.
2Au na sere ena marau ena vukumuni!
Au na laga sere ni vakacaucautaki kemuni na Kalou Cecere sara.
3Era sa dro na kequ meca ni o ni sa rairai mai
Ka ra sa bale sobu ka mate.
4O ni sa dabe tiko ena nomuni dabedabe vakatui me vaka ni o ni sa turaganilewa dodonu,
Ka o ni sa vakatauca na lewa vinaka ena vukuqu.
5O ni sa vakacacani ira na veimatanitu,
Ka vakarusai ira na tamata i valavala ca,
Ka ra sa na sega tale ni nomuni.
6Era sa oti vakadua na keimami meca.
O ni sa vakarusa na nodra veikoro,
Ka ra sa guilecavi sara ga vakadua.
7Ia, sa Tui ga o Jiova ka tawa mudu;
Sa vakaduria cake na nona i dabedabe ni veilewai.
8Sa lewa tiko na vuravura ena lewa vinaka
Ka veilewaitaki ira na tamata ena lewa dodonu.
9Sa i vakavakaruru o Jiova vei ira sa vakaleqai
Ka sa vanua ni veitaqomaki ena gauna ni leqa.
10Kemuni Jiova, o ira era kilai kemuni era na vakadinati kemuni;
O ni sa sega ni laiva e dua na tamata sa lako mai vei kemuni.
11Ni sere ni vakavinavinaka vei Jiova, o koya sa tiko mai Saioni.
Tukuna vei ira na veimatanitu kecega na veika sa cakava o koya.
12Sa dau nanumi ira era vakaleqai na Kalou,
Ka sa sega ni guilecava na nodra tagi,
Sa cudruvi ira ga era sa dau veivakacalai.
13Ni yalololoma vei au Jiova,
Ka raica na noqu vakacacani mai vei ira era cati au.
Ni vakabulai au mai na mate na Turaga,
14Ka me'u la'ki tu ena matadra na tamata mai Jerusalemi,
Ka tukuna vei ira na ka kece sara au vakacaucautaki kemuni kina.
Au reki baleta ni o ni sa vakabulai au.
15Era sa bale na veimatanitu ena i keli ga era a kelia,
A ra sa cakava e dua na dai ka ra sa coko tale kina.
16Sa vakaraitaki koya vakaikoya o Jiova ena nona lewa dodonu,
Ka ra sa coko tale na tamata ca ena ka ga era cakava.
17Sa nodra i votavota kecega na tamata ca na mate,
O ira kece era vakanadakuya na Kalou.
18Era na sega ni guilecavi tikoga na tamata dravudravua;
Ena sega ni tabaki sobu vakadua sara na nodra i nuinui na vakaloloma.
19Ni lako mai Jiova, ni kakua ni laiva na tamata
Me dokadokataka na nona kaukauwa.
Ni kauti ira mai na veimatanitu me ra mai lewai ena matamuni.
20Kemuni Jiova ni cakava me ra rere,
Me ra kila ni ra sa tamata ga.
Who We AreWhat We EelieveWhat We Do
2025 by iamachristian.org,Inc All rights reserved.
