Isikeli 10 - Vakavakadewa Vou kei na iVola tale eso（FNVDC12）

Sa Biuta na Valenisoro na Lagilagi i Jiova

1Au a qai rai, ka raica ni sa basika mai na dela ni wasa iloilo ka cowiri baleta koto na uludratou na jerupi e dua na ka sa vaka na vatu safaia, ka vaka koto na i bulibuli ni i tikotiko vakaturaga na vatu talei oqo.

Au a vakaraici koya voli ni sa lako yani.

3Ena gauna vata oqo, e ratou sa tu na jerupi ena yasa vaka ki na ceva ni Valenisoro ni sa curu yani na tamata; a sa qai vakasinaiti na lomanibai e loma ena o.

4A sa lako cake na i ukuuku i Jiova mai vei iratou na jerupi, ki na katuba ni Valenisoro; a sa vakasinaiti na Valenisoro ena o, ia na lomanibai sa vakasinaiti ena i serau ni ukuuku i Jiova.

5Ia ni rorogo yani na cacarobaroba ni tabadratou na jerupi ki na lomanibai ki sau, a vaka na domo ni Kalou Kaukauwa ni sa vosa mai.

6Ni sa vakarota o koya vua na tamata sa vakaisulu lineni me kauta eso na bukawaqa mai na maliwa ni qiqi ena rukudratou na jerupi, a sa qai curu yani ki loma na tamata ka tucake volekata tu e dua na qiqi.

7A dodoka na ligana e dua na jerupi ki na loma ni bukawaqa sa koto ena kedratou maliwa, a sa taura cake eso na qilaiso, ka biuta ki na liga i koya na tamata sa vakaisulu lineni. A sa taura na qilaiso ka sa lako yani.

8A votu mai ligadratou na jerupi, e dua na ka sa vaka na liga ni tamata e ruku ni tabadratou.

9Ia ka'u sa vakaraica, ka raica e va na qiqi, sa tu vata kei iratou na jerupi, ka ratou tau yadua na qiqi na jerupi; ia na kedratou i rairai na qiqi e sa vaka na i rairai ni mataniciva ramase.

10Ia na kedratou i rairai na jerupi, sa tautauvata vava, ka sa vaka ga na i rairai ni qiqi ena loma ni dua na qiqi.Isi 1.15-21

11Ni ratou sa lako, e ratou a lako ki na dua ga na mua e rawa ni gole kina e va, e ratou a sega ni veigoleyaki ni ratou lako tu, ia ki na mua ga sa qarava na qiqi sa tu ki liu, ka ratou muria yani na vo ni qiqi.

12A sa vakasinaiti ena yaloka ni mata na yagodratou taucoko, na gacagaca ni qiqi, na tabadratou, kei na qiqi vava.Vtaki 4.8

13Au qai rogoca e dua na domo ni kacivaka mai, “Qiqi cacawiriwiri.”

14E tau yava taucoko na matadratou: na kena i matai na mata ni bulumakau, na kena i karua na mata ni tamata, na kena i katolu na mata ni laione, kei na kena i ka va na mata ni ikeli.Isi 1.10; Vtaki 4.7

15E ratou sa talave cake na jerupi. O iratou oqo na ka bula ka'u a raica mai na uciwai o Kipa.

16Ia ni ratou sa lako yani na jerupi, sa lako vata kaya talega na qiqi sa tu e yasadratou; ia ni sa vakatateba na tabadratou, me ratou vuka mai na dela ni vuravura, sa sega ni veigoleyaki na yavadratou ka koto e tutudratou.

17Ni ra sa tu vakadua tu oqori, era sa tu talega oqo; ni sa talave cake oqori, sa talave talega oqo: ni sa tiko kei ira na yalo ni ka bula.

18A qai cavutu na i ukuuku i Jiova mai na katuba ni Valenisoro, ka la'ki tu e deladratou na jerupi.

19E ratou sa vakatateba na jerupi, a sa vuka tani mai vuravura ni'u raica tiko; ni ratou sa vuka tani, sa lako vata kei iratou na qiqi vava, ka ratou sa la'ki tu ena katuba ni matamata vaka ki na tokalau ni Valenisoro i Jiova; ia na i ukuuku ni Kalou i Isireli sa donui iratou mai cake.

20Oqo na ka bula ka'u a raica ena ruku ni Kalou ni Isireli mai na uciwai na Kipa; ia ka'u sa kila ni sai iratou oqo na jerupi.

21Sa tautauvata na matadratou, ka tau yava na tabadratou, a sa tiko ena ruku ni tabadratou yadua e dua na ka e vaka na liga ni tamata.

22Na matadratou sa veiucui kei na mata ka'u a raica mai na uciwai o Kipa. E ratou sa dui lako vakadodonu ga ki liu.