1 Tui 9 - Vakavakadewa Vou kei na iVola tale eso（FNVDC12）

Sa Rairai Tale vei Solomoni na Kalou(2Vei 7.11-22)

1Ia ni tara oti o Solomoni na Vale i Jiova, kei na valenitui, kei na ka kecega a via cakava,

2a qai rairai tale vei Solomoni o Jiova me vaka na nona a rairai vua mai Kipioni. ka yacova na siga oqo.

14A sa vakauta o Irami vei koya na tui e sivia na 4,000 na kilokaramu na koula.

Veicakacaka Tale Eso e Qarava o Solomoni(2Vei 8.3-18)

15E a vakayagataki ira na tamata cakacaka vakabobula o Solomoni na tui me tara na Valenisoro kei na valenitui; o ya me ra buluta ena qele na yasana ki na tokalau, ka tara na bainikoro levu. E a vakayagataki ira talega ena kena tara cake tale na koro o Asori, o Mekito, kei Keseri.

16(Taumada sa valuti Keseri o tui Ijipita ka vesuka na koro, ka vakamatei ira na tiko kina, ka vakama na koro. E a qai solia me nona ka ni loloma vua na luvena yalewa, na wati Solomoni.

17A tara vou tale na koro o Keseri o Solomoni.) E a tara cake talega o Solomoni na koro o Peci Oroni mai ra,

18o Pealaci, o Tema ena vanua lala kei Juta,

19kei na veikoro kecega ni yau i Solomoni, na veikoro ni nona qiqinivalu, na nodra veikoro na tamata dauvodo ose, kei na ka kecega sa via tara mai Jerusalemi, Lepanoni, kei na vanua kece ni nona matanitu.

20Vei ira na tamata kece ka ra vo vei ira na Amoraiti, na Itaiti, na Perisaiti, na Aivaiti kei na Jepusaiti (era sega ni kai Isireli o ira oqo),

21o ya na nodra kawa era se vo ka ra sega ni vakamatei vei ira na Isireli, sa vakayagataki ira o Solomoni me ra nona tamata cakacaka vakabobula me yacova na siga oqo.

22Ia a sega sara ni dua vei ira na Isireli a vakacakacakataka me vaka na bobula o Solomoni; era a veiqaravi ga ena cakacaka vakasotia, era nona vakailesilesi, era veiliutaki ena nona mataivalu, era liutaka na nona qiqinivalu, ka ra lewe ni nona mataivalu vodo ose.

23Era sa lewe 550 taucoko na i vakalesilesi era veiliutaki voli vei ira na tamata sa lewai na nodra cakacaka ni ra sa qarava na tara ni veivale eso nei Solomoni.

24A sa buluta o Solomoni na yasana vaka ki na tokalau ni koro levu ena qele, ka yaco oqo ni sa toki oti mai na marama na luve i tui Ijipita ka watina mai na Koro i Tevita ki na valenitui sa tara o Solomoni me nona na marama oqo.

25A dau vakacabora vakatolu ena veiyabaki o Solomoni na i soro kama, kei na i soro ni veivinakati, ena i cabocabonisoro ka a tara o koya vei Jiova, a vakama kina na ka boi vinaka ena mata i Jiova. A sa vakacavara na tara ni Valenisoro o Solomoni.

26E a taya talega o Solomoni na tui eso na waqa mai Esionikeperi, ka voleka ki Eloci, mai na matasawa ni Wasa Damudamu ena vanua o Itomi.

27A talai ira yani na nona tamata dausoko ena veiwaqa o Irami, ka ni o ira oqo era kai wai ka kila vinaka na wasawasa, ka me ra soko vata kei ira na tamata i Solomoni.

28Era a soko yani ki na vanua o Oferi, ka kauta lesu mai vei Solomoni e sivia na 14,000 na kilokaramu na koula.