1Kemuni Jiova, o ni sa yalovinaka ki na nomuni vanua;
O ni sa vakavuna tale na bula sautu e Isireli.
2O ni sa bokoca na nodra i valavala ca na nomuni tamata
Ka vosota na nodra caka cala kecega.
3Sa oti na nomuni cudruvi ira,
Ka vuki tani mai na nomuni cudru waqawaqa.
4Ni vakalesui keimami tale, na Kalou ka neimami i Vakabula,
Ka me oti na nomuni cudruvi keimami!
5O ni na cudruvi keimami tiko li me na sega ni mudu?
Ena sega li ni oti na nomuni cudru?
6Ni yalovinaka ni vakaukauwataki keimami tale,
Keimami na qai vakacaucautaki kemuni na nomuni tamata.
7Ni vakaraitaka vei keimami, i Jiova, na nomuni loloma tudei,
Ka solia vei keimami na bula.
8Au sa vakarorogo ki na ka sa tukuna tiko na Kalou o Jiova;
Ni sa yalataka na bula sautu vei keimami na nona tamata
Kevaka keimami sega ni lesu tale ki na neimami i vakarau lialia.
9Sa dina sara ni sa tu vakarau o koya
me na vakabulai ira era sa rokovi koya,
Ena tiko voli ga na nona veivakabulai ena noda vanua.
10Erau na veisotari na loloma tudei kei na yalodina;
Ka rau veimokoti na yalododonu kei na veivinakati.
11Ena kadre cake mai vuravura na yalodina ni tamata,
Ka na rai sobu mai lomalagi na yalododonu ni Kalou.
12Ena vakasaututaki keda o Jiova,
Ka vuavuai vinaka sara na noda vanua.
13Ena liu yani na yalododonu ena mata i Jiova,
Ka na vakarautaka e dua na sala ki vua.
A Masu ni Kere VeivukeA Masu i Tevita.
Who We AreWhat We EelieveWhat We Do
2025 by iamachristian.org,Inc All rights reserved.
