1Au sa lako mai vei kemuni Jiova me'u taqomaki,
Ni kakua ni laiva me'u vakamaduataki.
Sa i kemuni na Kalou yalosavasava,
Au kerei kemuni mo ni vakabulai au.
2Mo ni rogoci au, ka vakabulai au oqo.
Mo ni noqu i drodro ka taqomaki au.
Mo ni noqu i sasabai ka vakabulai au.
3Sa i kemuni na noqu i drodro kei na noqu bainivalu;
Ni tuberi au ka liutaki au me vaka o ni sa yalataka.
4Ni maroroi au mai na dai sa caka tu me baleti au,
Sa i kemuni na noqu i drodro.
5 Luke 23.46 Au sa laiva tu na noqu bula ki na nomuni veitaqomaki,
O ni sa vakabulai au Jiova
Sa i kemuni na Kalou yalodina.
6O ni sa cati ira era qarava na veikalou lasu;
Ia au sa vakadinati kemuni.
7Au na reki ka marau
ena vuku ni nomuni loloma tudei.
O ni sa raica na noqu vakararawataki;
O ni sa kila na noqu leqa.
8O ni sa sega ni laivi au me ra vesuki au na kequ meca;
Ia o ni sa taqomaki au.
9Ni lomani au Jiova, ni'u sa leqa tu oi au,
Sa oca mai na mataqu ena levu ni tagi;
Ka sa oca talega na yagoqu kei na yaloqu.
10Sa vakalekalekataka na noqu bula na noqu rarawa,
Ka sa vakalailaitaka na wai ni mataqu na noqu tagi.
Au sa malumalumu mai ena vuku ni noqu leqa kecega,
Na suiqu sara mada ga sa vuca tiko yani.
11O ira kece na noqu meca, era sa vakalialiai au;
Era sa beci au na wekaqu.
O ira era kilai au era sa rerevaki au,
Ni ra raici au ena gaunisala era sa dro tani yani.
12Au sa guilecavi me vaka e dua na tamata sa mate;
Ka'u sa vaka e dua na ka sa biu tu yani.
13Au sa rogoca na nodra vakasolokakana e vuqa na meca;
Sa vakavolivoliti au na rere.
Era sa bukiveretaki au,
Ka nakita me ra vakamatei au.
14Ia au sa vakadinati kemuni Jiova;
Sa i kemuni na noqu Kalou.
15Sa tu ena ligamuni na noqu bula;
Ni vakabulai au mai vei ira na noqu meca
Kei ira era vakasaurarataki au.
16Ni raici koya mai na nomuni dauveiqaravi ena yalovinaka,
Ni vakabulai au ena vuku ni nomuni loloma tudei.
17Au sa masu vei kemuni Jiova
Ni kakua ni laiva me'u vakamaduataki;
Me ra vagalui mai na nodra vanua na mate.
18Ni vakatikolotaki ira na tamata lasulasu
O ira na dokadoka ka viavialevu,
Era sa vosa beci vei ira na tamata yalododonu.
19Sa uasivi dina na veika vinaka
O ni vakarautaka me nodra era rerevaki kemuni.
Sa uasivi dina na ka o ni cakava,
Ena matadra na tamata kecega o ni sa taqomaki ira era vakadinati kemuni.
20O ni sa vunitaki ira ena veitaqomaki ni matamuni,
Mai na nodra i naki ca na tamata.
O ni sa taqomaki ira ena dua na vale taqomaki vinaka
Mai na nodra veivakasewasewani na kedra meca.
21Me vakacaucautaki o Jiova!
Sa uasivi dina na nona loloma tudei ki vei au
ena gauna ka'u a wavoliti tu kina ka ravuti!
22Au a rere ka nanuma
Ni o ni sa viritaki au tani mai na matamuni.
Ia o ni a qai rogoca na noqu tagi,
Ena gauna au kerea kina na nomuni veivuke.
23Ni lomani Jiova oi kemuni kece na nona tamata yalodina!
Sa taqomaki ira na tamata yalodina o Jiova
Ia sa totogitaki ira vakabibi sara era viavialevu.
24Mo ni kaukauwa ka qaqa,
Oi kemuni o ni sa vakanuinui vei Jiova!
Na Rekitaki ni VeivosovosotiA nei Tevita. A Masikili.
Who We AreWhat We EelieveWhat We Do
2025 by iamachristian.org,Inc All rights reserved.
