1Moni vakarorogo saka gona mai na tui moni kila; moni vuli saka na turaganilewa ni veiyasai vuravura.
2Ni vakatudaliga o kemuni na liutaki ira na lewe oba oni sakitaka na levu ni nomuni matanitu.
3Roma 13.1Na nomuni veiliutaki e solia vei kemuni na Turaga, nomuni itutu vakatui e solia na Cecere Sara, o koya e na dikeva nomuni cakacaka, e na vaqaqa nomuni lalawa.
4E na nomuni itutu vakaitalai ni nona matanitu, oni a veiliutaki vakaca, oni a beca na lawa, oni a talaidredre vua na Kalou;
5e na sakolaki kemuni kina vakasauri, ni na bibi sara na kedra itotogi na vetaicake.
6Na vetaira e na vosoti e na loloma, ia o ira na ka lelevu era na kuitataki vakalevu.
7Na Turaga ni veika kece e na sega ni rerevaka e dua se rokovi ira na vetaicake, ni o koya ga a buli ira vata na lelevu kei na lalai, e kauaitaki ira vakatautauvata.
8Ia era na vaqaqai matua na ka lelevu.
9Noqu vosa gona e baleti kemuni tiko na tui, moni vulica kina na yalomatua, moni kua ni cala.
10O ira na qarava na veika vivinaka e na yalododonu, era na yalosavasava kina; o ira na vakavulici kina, era na bula e na veilewai.
11Moni guta gona noqu vosa; moni domona, oni na qai vuli kina.
Na bibi ni yalomatua12Na yalomatua e ramase, sega ni boko rawa; o ira na lomani koya era kilai koya vakarawarawa; o ira na qarai koya era kunei koya.
13Ke dua e gadrevi koya, e vakaraitaki koya sara.
14Kera sou mera qarai koya, e na sega na kena dredre, nira na kunei koya ni dabe toka e nodra matata.
15Na vakasamataki koya matua, ya na vuku dina; o koya e yadravi koya tiko, e na oti totolo na nona leqa,
16baleta ni dau qarai ira voli na ganiti koya, e dau votu vei ira e na sala, e curuma kece na nodra vakasama.
17Na yavu ni yalomatua, na gadreva dina na vuli; na guta na vuli, na lomana na yalomatua;
18na lomani koya, na rokova nona lawa; na doka nona lawa, na ivakadei ni bula tawamudu;
19na bula tawamudu, na torova yani na Kalou.
20O koya e gadreva na yalomatua, e na nona kina na veiliutaki vakatui.
21Kevaka gona oni taleitaka na tui na itutu vakatui kei na kena ititoko, moni rokova na yalomatua moni veiliutaki tawamudu kina.
E via wasea o Solomoni nona yalomatua22Au na sereka vei kemuni na yalomatua kei na kena itekivu, au na sega ni wereubiubi, au na tukuna ga nona ilakolako me tekivu mai na veibuli. Au na vakamatatataki koya, au na sega ni levea na dina;
23e na sega ni tomani yau na yalovuvu, nirau veimecaki na yalovuvu kei na yalomatua.
24Ke levu na tamata yalomatua, e na bula kina o vuravura. Na tui yalomalua e nodra ivakadei na vanua.
25Moni vuli gona e na noqu vosa, oni na kune yaga kina.
Who We AreWhat We EelieveWhat We Do
2025 by iamachristian.org,Inc All rights reserved.
