1Sa tui o Jiova! Mo reki na Vuravura!
Ni marau oi kemuni kece na yanuyanu ni wasawasa!
2Sa wavoliti koya na o kei na butobuto;
Sa tauyavutaki na nona matanitu ena i valavala dodonu
kei na lewa maqosa.
3Sa liutaki koya yani na bukawaqa,
Ka vakamai ira kece na kena meca era wavokiti koya.
4Sa vakararamataka na vuravura na nona livaliva;
Sa raica na vuravura ka sa sautaninini.
5Sa waicala yani na veidelana me vaka na drega,
ena mata i Jiova;
Ena mata i koya na Turaga ni vuravura taucoko.
6Sa tusanaka na lomalagi na nona yalododonu
Ka ra sa raica na lomalagi na nona yalovinaka,
Sa raica na tamata kecega na nona lagilagi.
7Era sa madua o ira era qarava na matakau;
Era sa cuva sobu vua na kalou kecega.
8Era sa marau na lewe i Saioni,
Ka ra reki na veikoro e Juta,
Ena vuku ni nomuni lewa Jiova!
9Kemuni Jiova na Turaga kaukauwa,
Sa i kemuni ga sa liutaki vuravura;
O ni sa cecere sara mai vei ira na veikalou kecega.
10Sa lomani ira era cata na ca o Jiova,
Sa taqomaka na nodra bula na nona tamata;
Sa vakabulai ira mai na ligadra na tamata ca.
11Sa cila na rarama vei ira na i valavala dodonu,
Kei na marau vei ira na i tovo vinaka.
12Ni marau oi kemuni kece na i valavala dodonu
baleta na ka sa cakava o Jiova.
Ni nanuma na veika sa cakava o koya na Ledua Yalo Savasava,
Ka vakavinavinaka vua.
Me Laveti o Koya sa Lewai VuravuraA Same.
Who We AreWhat We EelieveWhat We Do
2025 by iamachristian.org,Inc All rights reserved.
