Siraki 40 - Vakavakadewa Vou kei na iVola tale eso（FNVDC12）

Bula rarawa vakatamata

1Sa tu na cakacaka levu me baleta na tamata yadua, sa vakataqari vei ira na luve i Atama na ivua bibi

mai na siga era sucu kina mai kete i tinadra me yacova na siga era lesu tale kina vei tinada kece.

2Nodra veilecayaki, nodra rere e baleta na siga era na mate kina,

3o koya e dabe e na idabedabe vakatui, vakina o koya e lolou tu e na kuvu kei na dravusa,

4o koya e vakaisulu vinaka, vakina o koya e vakaisulu taga;

5era sota kaya kece na cudru, vuvu, leqa, tiko yavavala, rerevaka na mate, yalokatakata, kei na veivala.

Ni dua e sa lai vakacegu koto, nona moce e veilecayaki ga kina nona vakasama.

6E lailai se sega nona moce; ni sa moce, e moce yadrayadra,

e vakayadrati koya na veika e raica e na nona vakasama, me vaka e dua e dro bula rawa mai na buca ni ivalu;

7E na tikinigauna ga e vakabulai kina, e yadra qai kurabui ni tadra wale ga.

8O ira na veikabula, na tamata kei na manumanu, vakavitu na dauvalavalaca,

9era na sota kaya na mate kei na dave ni dra, na veivala kei na ivalu, na leqa lelevu, viakana, veivakararawataki kei na mate dewa.

10Era buli na ka kece qo me baleti ira na tamata ca, a luvu na vuravura baleti ira.

11Na ka kece e vu mai na qele, e na suka tale i na qele; na ka kece e vu mai wai e suka tale i wai.

iSau ni ivalavalaca

12E na taqusi laivi kece na veivaqumi kei na lewa tawadodonu, ia na yalodina e na tu tawamudu.

13Na nodra iyau na tamata tawadodonu e na maca mai vaka na uciwai, e na caroba vaka na kacabote ni kurukuru ni tau bi na uca.

14Na tamata lomasavu e na vakamarautaki, na tamata valavalaca e na leqa.

15Na luvedra na tamata ca era na sega ni vakawa vakalevu, era wakanikau malai tubu e delanivatu.

16Na gasau e bati ni wai e na musu ni bera na karasi tale e so.

17Na yalovinaka e vaka na loga ni veivakalougatataki, na soli iloloma e tudei me tawamudu.

Taleitaki na bula vakatamata

18E kamica na bula vei koya e rawati koya kei koya tale ga na dau cakacaka, ia vei koya e kune iyau, na bula e uasivi sara.

19Na vakaluveni kei na tara koro erau vakadeitaka na yaca ni tamata, ia na radinivale yalosavasava e uasivi sara.

20Na waini kei na ivakatagi erau vakamarautaka na yalo, ia na galeleta na yalomatua e uasivi sara.

21Na dulali kei na api erau rogo vinaka, ia na domo malumu e uasivi sara.

22Na ivakarau vinaka kei na rairai totoka e vinaka e na mata, ia na kadre drokadroka ni sila e uasivi sara.

23Na tiko kei na nomu itau se na nomu itokani e vinaka, ia nodrau tiko vata na yalewa kei watina e uasivi sara.

24O ira na veitacini kei ira na dauveivuke era veivueti e na gauna ni leqa, ia na soli iloloma e uasivi sara.

25Na koula kei na siliva e vakavuna na tudei, ia na ivakasala vinaka e uasivi sara.

26Na iyau kei na kaukaua erau vakamarautaka na yalo, ia na doka na Turaga e uasivi sara.

E sega na ka e yali e na doka na Turaga, e sega kina ni yaga me qarai tale na veivuke.

27Na doka na Turaga e vaka na were ni veivakalougatataki, e veitaqomaki vinaka cake mai na lagilagi cava ga.

Daukerekere

28Na luvequ, kua ni muria na ivakarau ni daukerekere; e vinaka cake na mate mai na dau kerekere wavoki.

29Ni dua e vakararavitaka na kena vua e dua tale, e sega ni taucoko dina tiko nona bula.

E vakadukadukalitaki koya e na kena kakana e dua tale, ia o koya e kilaka, tuberi vinaka, e qarauna me kua ni yaco qori.

30E ka kamikamica na dau kerekere e gusudra na sega ni kila madua, ia e vakawaqari tu na buka e lomadra.