1Era sa mate na tamata yalosavasava
Ka sa sega ni bau dua me kauwaitaki ira.
Era sa kau tani na tamata yalodina
Ka sa sega ni bau dua e kauwai kina.
Era sa kau tani yani na tamata yalosavasava ni ra sa mate
Ka sa na sega ni yacovi ira rawa tale e dua na leqa.
2Ni ra sa mate na i valavala dodonu,
Era sa na lako yani ki na vanua ni vakacegu
Ka la'ki vakacegu ena nodra i davodavo.
3Ni lako mai kike na tamata i valavala ca mo ni lewai;
Oi kemuni na kawa ni tamata i tovo vakasisila kei na dautagane.
4O cei o ni vakalialia?
O cei o ni sa veiwalitaka?
O ni sa sega beka ni luve ni valavala ca
Ka kawa ni tamata lasulasu?
5O ni sa la'ki qara na veikalou ni vakaluveni
Ena nomuni veiyacovi ena ruku ni veivunikau tabu.
O ni sa vakacabora na luvemuni me nomuni i soro
Ena vanua qakilo ena ruku ni veiqara vatu.
6O ni sa kauta mai na veivatu yagoyago vinaka mai na veiqakilo,
Ka mai qaravi ira me ra nomuni kalou.
O ni sa sova vei ira na i soro liviraki
Ka kauta mai vei ira na i soro sila.
O ni nanuma beka au taleitaka na veika oqo?
7O ni sa dau lako cake ki na veidelana cecere
Mo ni vakacaboisoro kina ka ia na veiyacovi.
8O ni sa vakaduria na nomuni matakau, vakasisila
Ena daku ni nomuni katuba kei na ruku ni uluvatu.
O ni sa vakanadakui au.
O ni sa qai luvata na nomuni sulu
Ka davo ena nomuni i davodavo kei ira o ni domona,
O ira o ni sa saumi ira me ra moce vata kei kemuni.
O ni sa vakaceguya kina na nomuni garogaro.
9O ni sa lumuta na nomuni saluwaki boi yawa
Kei na nomuni waiwai,
Ka la'ki qarava na kalou o Moloke.
Ena nomuni vaqara na kalou mo ni qarava,
O ni sa vakasaqaqara ga e veisaqata
Ka yaco sara ki na nodra vuravura na mate.
10O ni sa vakaocai kemuni ena nomuni vaqarai ira na kalou tani,
Ia o ni sa sega ni bau oca.
O ni nanuma era sa solia vei kemuni na kaukauwa
O ira na nomuni matakau,
O ni sa sega ni oca kina.
11A sa kaya o Jiova,
“O cei o ira na kalou era sa vakavuna mo ni rere,
Ka mo ni lasu kina vei au
Ka guilecavi au kina vakadua?
Sa oti beka na nomuni rerevaki au
Baleta ni'u sa rui galu tiko vakadede?
12O ni sa nanuma ni sa dodonu na ka o ni cakava?
Ia au sa vakarautaka na nomuni valavala
Ka ra na sega ni vukei kemuni rawa
Na nomuni kalou matakau.
13O ni sa tagica na veivuke,
Laivi ira mada na nomuni matakau
Me ra vakabulai kemuni!
E dua ga na bati ni cagi ena kauti ira tani kece!
Ia o ira era vakadinati au era na taukena na vanua
Ka na qaravi au ena noqu vale tabu.”
Yalayala na Kalou me Veivukei ka Veivakabulai14A sa kaya na Turaga o Jiova,
“Laivi ira na noqu tamata me ra lesu mai vei au.
Kauta laivi kece na veika e vakalatia na nodra gaunisala.
Vakarautaka na sala, ka me sa vakarau tu!
15Oi au na Kalou Cecere ka Savasava,
O koya sa bula tikoga ka tawa mudu.
Au sa tiko ena vanua cecere ka savasava
Ia au sa tiko talega kei ira na tamata
Era sa yalo malumalumu ka veivutuni;
Me'u kauta tale mai na nodra yalo dei kei na vakanuinui.
16Au a solia na bula vei ira;
Ka'u na sega ni veibeitaki tikoga,
Se cudruvi ira tikotiko ga.
17Au a totogitaki ira ena noqu cudru
Ka'u biuti ira sara.
Ia era sa qai yalo kaukauwa ka muria ga na lomadra.
18Au sa raica na nodra i valavala ca
Ia au na vakabulai ira.
Au na liutaki ira ka vukei ira,
Ka'u na vakacegui ira era sa rarawa.
19 Efe 2.17 Au sa solia na vakacegu vei ira kece;
Era yawa kei ira era voleka!
Au na vakabulai ira na noqu tamata.
20Ia o ira na tamata ca era sa vaka na wasawasa seuseua,
Sa sega ni malumu rawa na kena ua
Ka sa kauta mai na soqosoqo kei na duka.
21 Aisea 48.22 “Sa sega na vakacegu vua sai valavala ca,”
Sa kaya o Jiova.
Who We AreWhat We EelieveWhat We Do
2025 by iamachristian.org,Inc All rights reserved.
