1Sa qai vosa o Elifasi na kai Temani, ka kaya,
2I Jope, o na rarawa beka ke'u vosa?
Sa dredre sara vei au me'u vagagalu toka ga.
3O iko o a vakavulici ira e lewe vuqa na tamata,
Ka vakaukauwataki ira era liga malumalumu sara.
4Ni tarabe e dua ni a malumalumu ka oca,
Ena tucake ga o koya ena veivakaukauwataki ni nomu vosa.
5Ia oqo ni yaco mai na nomu gauna ni rarawa,
O sa qai kidacalataka ka dredre ni qarava.
6O a dau qarava na Kalou bula,
Ka sa dodonu ka savasava na nomu bula;
Sa dodonu ga kina mo vakanuinui tiko ka vakabauta.
7Bau vakanananu lesu tale mada;
Mo tukuna mada e dua na i vakaraitaki
Sa sotava kina na rarawa levu e dua na tamata dodonu.
8Au sa bau raica oti talega,
Na tamata era bucina ka tea na ka ca;
Ni ra na tamusuka dina talega.
9Na cudru kaukauwa ni Kalou,
E sa vaka e dua na cagilaba,
Ena vakarusai ira kece sara.
10Era sa dau vosavosa na tamata ca
Me vaka na tagi ni laione rerevaki;
Ia sa vagalui ira ga na Kalou,
Ka vorolaka kece na batidra.
11Ia me vaka na laione era sa leqa,
Ni sa sega na ka era toboka me kedra;
Era a qai dui mate yani,
Ia na luvedra era a qai veiseseyaki.
12A sa basika lo mai vei au e dua na i tukutuku,
Sa lako lo mai ka dredre sara me'u rogoca rawa.
13 Jope 33.15 E a vakarerei au sara ga
Ka vakavuna me'u moce vakaca.
14Na kaukauwa ni noqu rere kei na kena vakasauri,
A yavalati au sara ga ka'u sautaninini.
15E dua na cagi mudre malua sa liwava na mataqu;
Ka la'ki se sara kina na votoqu.
16Au a qai wadrava matua yani ni sa tu e kea,
Ia na kena i rairai ga, au sega ni kila.
Au sa qai rogoca e dua na domo e loma ni vakadigagalu.
17Sa rawa li vua na tamata me dodonu sara ena mata ni Kalou?
Se savasava sara e matana na Dauveibuli?
18Na Kalou sa sega ni vakanuinui vei ira na nona i talai vakalomalagi;
Sa raica talega na cala e kedra maliwa na nona agilosi.
19Ia a qai wacava sara mada na nona sega ni vakadinati na tamata;
Na tamata ka dau tiko ga ena vale qele,
Ni o koya e a buli ga mai na kuvu ni qele;
Ka rawa ni qiliraki ga ka ciba me vaka e dua na manumanu ni cina?
20Ena mataka, sa na rawa ni bula tiko e dua na tamata;
Ia ena yakavi, sa na rawa ni ciba yani, ka guilecavi.
21Sa qai kau tani na nona veika kecega;
Sa mate o koya, ia na yalomatua sa sega ga vua.’
Who We AreWhat We EelieveWhat We Do
2025 by iamachristian.org,Inc All rights reserved.
